Pera mathaka පෙර මතක

Pera mathaka පෙර මතක

පියනැඟූ මං වසා
බොර වතුර ගලනවා
ඒ දියේ හෙමි හෙමින්
පෙර මතක ගිලෙනවා
නාඳුනන හිනා මැද
හිනාවක් හොයනවා
මුනිවතින් මගේ හිත
කතාවක් කියනවා……..

විටින් විට හිත යටට
එබි එබී බලනවා
මග හැරුණු අහු මුළුත්
අත ගගා බලනවා
රටාවක් නැති හිතෙත්
ලතාවක් දකිනවා
අමුත්තක් කොහෙන් හෝ
මතුවෙතැයි හිතෙනවා……

ජිවිතේ කුරුටු ගී
කියවමින් ඉන්නවා
වැරදි තැන් මක මකා
ආයෙමත් හදනවා
පරණ පිටු හොය හොයා
සෝදුපත් බලනවා
නිමාවුන කතාවක
පෙරවදන ලියනවා……