Dhanushka Gunathilaka – පසුගිය වසරේ ඕස්ට්‍රේලියාවේ පැවති විස්සයි,විස්ස ලෝක කුසලානය අතරතුර සමාජ මාධ්‍ය ඔස්සේ හඳුනාගත් තරුණියකට ලිංගික අතවර කිරීමේ සිදුවීමක් සම්බන්ධයෙන් ශ්‍රී ලංකා ක්‍රිකට් ක්‍රීඩක ධනුෂ්ක ගුණතිලකට එරෙහිව සිඩ්නි නුවර අධිකරණයක් මඟින් චෝදනා හතරක් ගොණු කර තිබිණි. පසුගිය නඩු වාරයේදී එයින් චෝදනා තුනක් ඉවත් කර ගැනීමට ඔස්ටේ්‍රලියානු විමර්ශන අංශ පියවර ගත්‌තේය.
එම නඩුව විභාගයට ගැනෙන අවස්ථාවේදී ලිංගික අතවර කිරීමේ චෝදනා සම්බන්ධයෙන් තමන් නිවැරදිකරු බව ධනුෂ්ක ගුණතිලක සිඩ්නි නුවර අධිකරණයට ප්‍රකාශ කර තිබෙනවා. ඒ අනුව ඔහුට එරෙහි නඩු විභාගය අඛණ්ඩව පවත්වාගෙන යන ලෙස අධිකරණය නියෝග කර ඇතැයි විදෙස් මාධ්‍ය වාර්තා කරනවා. කෙසේ වෙතත් අනෙක් පාර්ශවයේ කැමැත්තකින් තොරව ලිංගික කටයුතුවල යෙදීම යන චෝදනාව ඔහුට එරෙහිව තවදුරටත් පවතින බව සඳහන්.
