Olympic 2028 ලොස් ඇන්ජලීස් ඔලිම්පික් ක්රීඩා උළෙලේ ක්රිකට් ක්රීඩාංගණය ලෙස දකුණු කැලිෆෝනියාවේ පමෝනා හි Fairgrounds ප්රකාශයට පත් කර ඇති අතර, එය ජාත්යන්තර ක්රිකට් කවුන්සිලය විසින් පිළිගෙන ඇති බව විදෙස් මාධ්ය වාර්තා කරනවා.
2028 වසරේදී අමෙරිකාවේ සත්කාරකත්වය යටතේ ලොස් ඇන්ජලීස් හිදී පැවැත්වෙන ඔලිම්පික් උළෙල සඳහා ක්රිකට් ක්රීඩාව ද එක්කර තිබෙන අතර, ඒ සඳහා කාන්තා හා පිරිමි කණ්ඩායම් 06 බැගින් ක්රීඩා කිරීමට නියමිත බවයි සඳහන් වෙන්නේ. සෑම කණ්ඩායමකටම සාමාජිකයින් 15 දෙනෙකුගෙන් යුත් සංචිතයක් නම් කිරීමට හැකි අතර, විස්සයි විස්ස තරග ලෙස අදාළ තරග පැවැත්වීමට නියමිතයි.
වසර 130කට ආසන්න අතීතයක් ඇති ගිම්හාන ඔලිම්පික් උළෙල ඉතිහාසය තුළ ක්රිකට් ක්රීඩාව පැවැත්වෙන දෙවන අවස්ථාව මෙය වන අතර, පළමු වතාවට ක්රිකට් තරගයක් ක්රීඩා කර ඇත්තේ 1900 වසරේදී බවයි වැඩිදුරටත් සඳහන් වෙන්නේ.
