Kidnapped The Boyfriend: ආරක්ෂක හමුදාවකට සම්බන්ධ තරුණියක ඇතුළු සිව්දෙනෙකු එක්වී තම ප්රේම සබඳතාවයට පිටුපෑ තරුණයකු පැහැරගෙන යාම සම්බන්දයෙන් සිව්දෙනෙකු අත්අඩංගුවට ගත්බව පින්වත්ත පොලිසිය පවසනවා. අත්අඩංගුවට ගෙන ඇත්තේ වාද්දුව ප්රදේශයේ පදිංචි සිව්දෙනෙකු බවයි පොලීසිය පවසන්නේ.
ත්රිරෝද රථයකින් පැමිණි සැකකරුවන් ඊයේ (04) පස්වරුවේ අළුබෝමුල්ල පින්වත්ත මාර්ගයේදී මෙම තරුණයා පැහැරගෙන ගිය බවට එම තරුණයා සහ ඔහුගේ මව විසින් කළ පැමිණිල්ලක් අනුව සැකකරුවන් අත්අඩංගුවට ගෙන තිබෙනවා.
තරුණිය සහ පැහැරගැනීමට ලක්වූ තරුණයා පෙම්වතුන්ව සිට ඇති බවත්, තරුණිය විවාහ කරගැනීම සඳහා තරුණයා අකමැත්ත පළ කිරීම පැහැරගැනීම සිදුකිරීමට හේතුව වී ඇති බවත් පොලිස් පරීක්ෂණ වලදී සොයාගෙන තිබෙනවා. තරුණයා පැහැරගෙන ගොස් පාළු නිවසක සඟවාගෙන සිට නැවත මුදාහැර ඇති බවද පොලිසිය පවසයි.
පැහැරගැනීමට ලක්වූ තරුණයා පෞද්ගලික සමාගමක සේවය කරන බවත්, පෙම්වතිය ආරක්ෂක හමුදාවකට සම්බන්දව රාජකාරි කරන බවත් අනාවරණය වේ.
