Tharindu Perera ECB Level 4 මට්ටමේ විශේෂඥ පුහුණුකරු සම්මානයක් සහිත සුදුසුකම් ලත් පුහුණුකරුවෙකු වන පෙරේරාට Warwickshire Country Cricket Club, Adelaide Strikers, සහ West End Red Backs ඇතුළු තවත් කණ්ඩායම් පුහුණු කිරීමේ අත්දැකීම් ඇත.
ඔහු Warwickshire සමඟ ඉතාමත් දක්ෂ පුහුණුකරුවෙකු ලෙස කටයුතු කළ කාලය තුළ, එම කණ්ඩායම ප්‍රාන්ත ශූරතාව, රෝයල් ලන්ඩන් එක්දින කුසලානය, T20 Vitality Blast සහ Warwickshire Academy කුසලාන දිනාගැනීමට සමත්විය.
Adelaide Strikers සහ West End Red Backs හි දී, තරිඳු පෙරේරා පිතිකරණය සහ දඟ පන්දු යැවීම කෙරෙහි අවධානය යොමු කරමින් සහාය පුහුණුකරුවෙකු ලෙස කටයුතු කල අතර ඔහු 2022 දී ශ්‍රී ලංකා 19 න් පහළ එංගලන්ත සංචාරය කල තරඟාවලියේදී එංගලන්ත Young Lion’s කණ්ඩායමේ සහය පුහුණුකරු ලෙස ද කටයුතු කර ඇත.
ඇඩිලේඩ් විශ්ව විද්‍යාලයේ දිස්ත්‍රික් ප්‍රිමියර් කාන්තා සංචිතයේ සහකාර පුහුණුකරුවෙකු ලෙස කටයුතු කිරීම ද පෙරේරාගේ පුහුණු අත්දැකීම් අතරට ඇතුලත් වන අතර ඔහු 2019 වසරේ යෝක්ෂයර් ප්‍රාන්ත ක්‍රිකට් සමාජ කාන්තා කණ්ඩායමේ ප්‍රධාන පුහුණුකරු විය.
එක්සත් රාජධානියේ ලීඩ්ස් බෙකට් විශ්ව විද්‍යාලයෙන් ක්‍රීඩා පුහුණු කිරීම පිළිබඳ BSc ගෞරව උපාධියක් ලබා ඇති පෙරේරා, SSC, Tamil Union, සඳහා දේශීය ක්‍රිකට් ක්‍රීඩා කර ඇති අතර Northamptonshire 2nd XI සඳහා ප්‍රාන්ත මට්ටමින් ක්‍රිකට් ක්‍රීඩා කර ඇත.
වසර දෙකක් සඳහා ශ්‍රී ලංකා ක්‍රිකට් ආයතනය සමඟ කටයුතු කිරීමට තරිඳු පෙරේරා ගිවිසුම් ගතව ඇති බව ක්‍රිකට් ආයතනය නිවේදනය කරයි.
