Pornhub වෙතින් ඔස්ට්‍රේලියානු පරිශීලකයන්ට තහංචි
වැඩිහිටියන් සඳහා වෙන්වූ වෙබ් අඩවි උදෙසා ඔස්ට්‍රේලියානු රජය හඳුන්වා දුන් නව නීති පද්ධතියට විරෝධය පළ කිරීමේ අරමුණෙන් වැඩිහිටියන් සඳහා වන සුප්‍රකට වෙබ් අඩවියක් වන Pornhub අඩවියේ හිමිකාර Aylo සමාගම ඕස්ට්‍රේලියානු පරිශීලකයන්ට Pornhub වෙත ප්‍රවේශ වීම සඳහා සීමා පනවා තිබෙනවා.
ඔස්ට්‍රේලියාවේ නව නීතිය අනුව, වැඩිහිටියන් සඳහා වන වෙබ් අඩවියකට ඇතුළු වීමට පෙර පරිශීලකයාගේ වයස සනාථ කිරීම අනිවාර්ය කර තිබෙනවා. මෙහි ප්‍රධාන අරමුණ වී ඇත්තේ වයස අවුරුදු 18ට අඩු ළමයින් එවැනි වෙබ් අඩවි වලට ප්‍රවේශ වීම වැළැක්වීමයි. මේ නීතිය ක්‍රියාත්මක කිරීම සඳහා වෙබ් අඩවි හිමිකාරීත්වය දරන සමාගම් විසින් පරිශීලකයන්ගේ වයස සනාථ කළ යුතු බව සඳහන්. එනම් ඡායාරූප හැඳුනුම්පත් පරීක්ෂාව, මුහුණු හඳුනාගැනීමේ තාක්ෂණය (facial recognition), හෝ වෙනත් ඩිජිටල් සනාථ කිරීමේ ක්‍රම වශයෙන්. මෙමගින් පරිශීලකයා වැඩිහිටියෙකුද යන්න තහවුරු කිරීම අත්‍යවශ්‍ය බවයි රජය පවසන්නේ. Aylo සමාගම මෙම නීතිය පිළිබඳව සිය අප්‍රසාදය පළ කර තිබෙනවා. මෙවැනි නීති නිසා වැඩිහිටි වෙබ් අඩවි පරිශීලකයන්ගේ පෞද්ගලිකත්වයට තර්ජන එල්ල විය හැකි බවයි ඔවුන් පවසන්නේ. පරිශීලකයන්ගේ පෞද්ගලිකත්වය වැදගත් බව ඔවුන් ප්‍රකාශ කරනවා.
