Test series vs South Africa – ICC ලෝක ටෙස්ට් ශූරතාවලියට සමගාමිව පැවැත්වෙන ශ්‍රී ලංකාව සහ දකුණු අප්‍රිකාව අතර තරග දෙකකින් සමන්විත ටෙස්ට් තරගාවලිය සඳහා ශ්‍රී ලංකා ක්‍රිකට් කණ්ඩායම නොවැම්බර් මස 22 වැනිදා දකුණු අප්‍රිකාව බලා පිටත්ව යනු ඇති. තරඟාවලිය මෙම මස 27 වන දින Kingsmead Durban හිදී ආරම්භ වීමට නියමිත අතර දෙවැනි ටෙස්ට් තරගය දෙසැම්බර් 5 වැනිදා Gqeberha හි St. Georges Park හිදී පැවැත්වීමට නියමිතය.
ශ්‍රී ලංකා ක්‍රිකට් තේරීම් කමිටුව විසින් ප්‍රකාශයට පත්කර ඇති මෙම තරගය සඳහා සහභාගී වන 17 දෙනෙකුගෙන් සමන්විත ශ්‍රී ලංකා ටෙස්ට් සංචිතය මෙසේය. ධනංජය ද සිල්වා ( නායක), පැතුම් නිශ්ශංක, දිමුත් කරුණාරත්න, දිනේෂ් චන්දිමාල්, ඇන්ජලෝ මැතිව්ස්, කුසල් මෙන්ඩිස්, කමිඳු මෙන්ඩිස්, ඕෂද ප්‍රනාන්දු, සධීර සමරවික්‍රම, ප්‍රභාත් ජයසූරිය, නිශාන් පීරිස්, ලසිත් ඇඹුල්දෙණිය, මිලාන් රත්නායක, අසිත ප්‍රනාන්දු, විශ්ව ප්‍රනාන්දු, ලහිරු කුමාර සහ කසුන් රාජිත.
