හෑෂ් සහ කුෂ් ගෙනා භික්ෂූන්ට අත්වන ඉරණමගුවන්තොටුපොළේ දී භික්ෂූන් වහන්සේලා අත්අඩංගුවට ගැනීමේ සිද්ධිය සම්බන්ධයෙන් මහානායක ස්වාමීන් වහන්සේලාගේ අනුශාසනා මත කටයුතු කරන බව ආරක්ෂක අමාත්‍ය ආනන්ද විජේපාල ප්‍රකාශ කොට ඇත.
රුපියල් කෝටි 110ක පමණ වටිනාකමින් යුත් හෑෂ් සහ කුෂ් මත්ද්‍රව්‍ය කිලෝ 111ක් සහිත ගමන් මලු 22ක් රැගෙන තායිලන්ත සංචාරයක් නිමකර පැමිණෙමින් සිටියදී පසුගියදා (අප්‍රේල් 25) කටුනායක ගුවන්තොටුපළේදී පොලිස් මත්ද්‍රව්‍ය නාශක කාර්යාංශයේ නිලධාරී පිරිසක් විසින් අත්අඩංගුවට ගනු ලැබිණි.
මේ පිළිබඳව මහව ප්‍රදේශයේදී අදහස් දැක්වූ අමාත්‍යවරයා වැඩි දුරටත් මෙසේ පැවැසීය. “ඉහත සිදුවීම සම්බන්ධයෙන් නීත්‍යනුකූලව ගත යුතු ක්‍රියාමාර්ග ඒ ආකාරයෙන්ම ගැනීමට කටයුතු කරනව. බලයට පත්වූ දින සිට මේ වනතුරුම නීති විරෝධී ක්‍රියාකාරකම් පිළිබඳව ගත හැකි ක්‍රියාමාර්ග උපරිමව ගනිමින් සිටිනවා. එය සිදු කරන්නේ කෙනකුගේ බලපුළුවන්කම, තරාතිරම බලා නොවෙයි. නීතිය ඉදිරියේ සියලු දෙනාම සමානයි කියන ක්‍රමය කවුරුත් දන්නවා. දුබලයාට එක නීතියකුත් බලවතාට තව නීතියකුත් ක්‍රියාත්මක වීමට ඉඩකඩක් නෑ . කිසියම් හෝ පුද්ගලයෙක් නීතිය හාස්‍යයට ගෙන කටයුතු කරනවා නම් ඒ වෙනුවෙන් මැදිහත්වීම් කර ඔහුව නීතිය රැහැණට හසුකර ගැනීමට සියලු පියවර ගන්නවා.”
– ධාරා අබේනායක –
–
