ගැහෙන මේ ගෑණු හිත !
“හිතුවෙ උඔ උඔ ගැනම විතරයි”
ඔයා මට කෑගැහුව මතකයි අයියේ
එල්ලිලා එකෙකුගෙ අතේ
කියනවද උඔ මට ආදරේ
මං ගොනෙක් කියලද උඹෙ හිතේ
පුපුරන ඔයාගේ සද්දෙට බයේ
එකපාර එයාගේ අත පවා
මං අතෑරලා තියනවා අයියේ………
“කෑවද ඔයා” මං අහද්දී
ගෑණු සෝබන කියා හිනැහී
හිතින් මට බනිනවා ඇති ඔයා
බීලා කොහේ හරි වැටෙයිද..?
නොකා ඉඳලා ලෙඩ වෙයිද…?
එයාගේ එහා පස ඉඳගෙන
ඔයාගේ දුක සැප විමසන
ගැහෙන මේ ගෑණු හිත බලහං අයියේ….
කියනව වගෙ ඔයා අයියේ
ගල් හිතක් වෙන්නැති මට ඇත්තේ
ඒ නිසා වෙන්නැති අපේ සෙනෙහේ
මල් පෙති වගේ සුදු,මුදු නොවූයේ
ඔයා පපුව මැද ගල් කටු අනින අතරේ
ඇහුණෙ නෑ නේද මගෙ පපුව ඇතුලේ
ආදරේ ගල් බෝර පුපුරන සද්දේ………..
අඬවැඩියාව කියා ගෑණුන්ගේ
ඔයා රවනව තමා අයියේ
බෙදාගෙන එයා හා ඇඳ සුවසේ
කඳුළු කාගෙන හිටිය අරුමේ
ආදර සටන් ගෑණුන්ට හිමි නෑනේ
ඒත් අඬන නිදහස උන්ට ඕනේ
ගෑණු මෙච්චර බොළඳ වෙන්නේ
පිරිමි හිත් හයිය හින්දද අයියේ……….
