Missing You මේ නවාතැන පුදුමය

මතක පිටු පුරවන්න තිබුණා
හිත නොතැලුවා නම්
පාළුවට ඉරි තැලී ගිය
ළය මත්තෙ මල් නොපිපුවානම්….

යළි, යළිත් ප්‍රේමයට කවි
නොලියුවා නම්
හුස්ම බර කර ඉන්න තිබුණා
නුඹ බරටම නොහිටියා නම්…

රෝමාන්තිකය,

සුසුම් අංශුවක් පාසාම
ලයෙහි කැළැතෙන
ගැඹුරු හැඟුමන් මිහිරිය…

ඉදින් හිතවත,

තදින් සිරකළ අනවරත හිත
සොයන නැවතුම නුඹමය…
බැල්මකින් පවා
තුන් හිතම නිවන
මේ නවාතැන පුදුමය…

Missing you

Missing You මේ නවාතැන පුදුමය!