අමෙරිකා එක්සත් ජනපදය සමඟ කිසිදු ආකාරයක සාකච්ඡාවක් පවත්වා නොමැති බව ඉරානය පවසනවා.ඉරාන පාර්ලිමේන්තු කථානායක මොහොමඩ් බගර් ගලිබාෆ් පවසන්නේ දෙපාර්ශ්වය අතර සන්නිවේදනයක් සිදුව ඇති බවට පැතිර යන පුවත් සම්පූර්ණයෙන්ම අසත්ය බවයි.
ඉරානය සමඟ පවතින සාකච්ඡා ”ඵලදායී” මට්ටමක පවතින බවට අමෙරිකානු ජනාධිපති ඩොනල්ඩ් ට්රම්ප් විසින් මීට පෙර ප්රකාශ තිබෙනවා.‘X‘ සමාජ මාධ්ය ජාලය ඔස්සේ සටහනක් තබමින් කථානායකවරයා පෙන්වා දී ඇත්තේ, මූල්ය සහ තෙල් වෙළඳපොළවල් තම වාසියට හරවා ගැනීමටත්, ඇමරිකාව සහ ඊශ්රායලය වැටී සිටින අර්බුදයෙන් ගැලවීමටත් මෙවැනි ”අසත්ය පුවත්” නිර්මාණය කරමින් සිටින බවයි.
එමෙන්ම තමන් වෙත ප්රහාර එල්ල කළ ආක්රමණිකයන්ට එරෙහිව ”සම්පූර්ණ සහ දැඩි දඬුවම්” ඉරානය අපේක්ෂා කරන බවද ඉරාන පාර්ලිමේන්තු කථානායක මොහොමඩ් බගර් ගලිබාෆ් පවසනවා.
මේ අතර ඉරාන පාලන තන්ත්රය මුළුමනින්ම පෙරළා දමන තෙක් යුද්ධය නතර නොකළ යුතු බව ඊශ්රායල විපක්ෂ නායක අවිග්ඩෝර් ලිබර්මන් අවධාරණය කර තිබෙනවා.අමෙරිකානු ජනාධිපති ඩොනල්ඩ් ට්රම්ප් විසින් ඉරානයට එල්ල කරන ප්රහාර දින පහකට අත්හිටුවීමට ගත් තීරණය හමුවේ ඊශ්රායල විපක්ෂ නායක අවිග්ඩෝර් ලිබර්මන් මෙම අදහස් පළ කර ඇති බවයි විදෙස් මාධ්ය වාර්තා කළේ.
ඔහු ඊශ්රායල රජය දැඩි ලෙස විවේචනය කරමින් පවසා ඇත්තේ ආරක්ෂක තර්ජන පවතින මොහොතක රජය අභ්යන්තර නීති සම්පාදනයන් පිළිබඳව පමණක් අවධානය යොමු කරන බවයි.
