Women’s Cricket – 2025 වසරේ ICC කාන්තා එක්දින ක්‍රිකට් ලෝක කුසලාන තරගාවලිය පවත්වන දිනයන් සහ ස්ථාන ජාත්‍යන්තර ක්‍රිකට් කවුන්සිලය විසින් නිවේදනය කර තිබෙනවා.
ඒ අනුව, එම තරගාවලිය සැප්තැම්බර් 30 සිට නොවැම්බර් 02 දක්වා ඉන්දියාව සහ ශ්‍රී ලංකාව කේන්ද්‍ර කර ගනිමින් පැවැත්වීමට නියමිතයි.
ඉන්දියාවේ පැවැත්වෙන තරග Bengaluru, Guwahati, Visakhapatnam සහ Indore යන ස්ථානවලත්, ශ්‍රී ලංකාවේ පැවැත්වෙන තරග කොළඹදීත් පැවැත්වෙන බවයි සඳහන් වන්නේ.
ඉන්දියාව, ඔස්ට්‍රේලියාව, එංගලන්තය, දකුණු අප්‍රිකාව, නවසීලන්තය, ශ්‍රී ලංකාව, බංග්ලාදේශය සහ පකිස්තානයේ සහභාගීත්වයෙන් මෙම තරගාවලිය පැවැත්වීමට නියමිතයි.
