Anura kumara disanayake – රට කඩා වැටීමට හේතු වූ සාධකයක් ශ්රේෂ්ඨාධිකරණය මඟින් ලබාදුන් තීන්දුවකින් පෙන්නුම් කර ඇති බවත්, මෑතකදී වංචා දූෂණ සඳහා දඬුවම් ලබාදීමේදී ද එය පෙන්නුම් කර ඇති බවත් ජනාධිපති අනුර කුමාර දිසානායක පවසනවා.
දේශපාලන අධිකාරිය, රාජ්ය නිලධාරීන් හා පොදු ජනයා රට මෙවැනි ආර්ථික කඩා වැටීමකින් අත්දැකීම් ලබාගත යුතු බවයි ’බදු ශක්ති’ නමින් ක්රියාත්මක බදු සතිය ආරම්භ කිරීමේ උත්සවයට එක්වෙමින් ජනාධිපතිවරයා සඳහන් කළේ.
රජයට පැවරී ඇති වගකීම වන්නේ, රට කඩා වැටීමට හේතු වූ සාධක හොඳින් හඳුනාගෙන, ඒවා නැවත සිදුවීම වැළැක්වීම බව ද, එලෙස කඩා වැටීමට හේතුවූ ප්රධාන කාරණයක් වන්නේ නිසි පරිදි බදු ප්රතිසංස්කරණ ඇති කර, බදු එකතු කර ගැනීමට අසමත්වීම බව ද ජනාධිපතිවරයා ප්රකාශ කළා.
එම අසමත්වීම අප විසින්ම නිර්මාණය කරගත් කාරණයක් බවත්, කිසිඳු ආර්ථික තීරණයක් දේශපාලන මූලධර්ම මත සිටිමින් නොගන්නා බවත්, සියලු ආර්ථික තීන්දු තීරණ ගනු ලබන්නේ ආර්ථික මූලධර්ම මත බවයි ජනාධිපති අනුර කුමාර දිසානායක වැඩිදුරටත් ප්රකාශ කර සිටියේ.
