Car Crash – Pennsylvania වේ Lewistown නගරයේ නිවසක දෙවැනි මහලට මෝටර් රථයක් කඩාවැදීම සිතා මතා කළ ක්‍රියාවක් බවට සැකයක් මතුව ඇතැයි එරට බලධාරීන් පවසයි. නිවසේ වහලෙහි එක් පසෙකට කඩාවැදී තිබු අළුපැහැති මෝටර් රථයක් සොයා ගැනීමෙන් අනතුරුව එහි රියදුරුට එරෙහිව පරීක්ෂණ ආරම්භ කළ බව එරට පොලිසිය පවසයි.
අනතුර සිදු වු අවස්ථාවේ සහයට පැමිණි ප්‍රදේශයේ ගිනි නිවීමේ අංශයේ පරිපාලක Sam Baumgardner පැවසුවේ සිදුවීම වන අවස්ථාවේ නිවසේ පුද්ගලයන් තිදෙනෙකු සිටි නමුත් අනතුරෙන් කිසිවෙකුටත් හානියක් සිදු නොවු බවයි. කෙසේ නමුත් තුවාල ලැබු රියදුරු රෝහල් ගතකළ බව ඔහු වැඩිදුරටත් සදහන් කර තිබු අතර වාහනය දෙවන මහලට ගියේ කෙසේදැයි මේ දක්වා නිශ්චිතව ප්‍රකාශ කර නොමැත.
-BBC ඇසුරෙනි-
