දවසෙ ඕන වෙලාවක කන්න පුළුවන්

දවසෙ ඕන වෙලාවක කන්න පුළුවන් – Chocolate Brownies

Chocolate Brownies කන්න කවුද අකමැති? චොක්ලට් චිප්ස්, බටර්, කොකෝවා පව්ඩර් දාලා හදන Brownies දවසෙ ඕනෙම වෙලාවක ඇති තරම් කන්න පුළුවන්. වයස් භේදයක් නැතුව කවුරුත් ආස කරන දෙයක්. ලෝකෙ පුරාම බොහොම ජනප්‍රිය කෑමක්. ස්නැක් එකක් විදිහට, අතුරුපසක් විදිහට, උත්සව අවස්ථාවකට, මේ වගේ ඕනම වෙලාවකට කෑම මේසය රසවත් කරන්න brownies වලට පුළුවන්. ගෙදරදීම පහසුවෙන් රසවත්ව brownies හදාගන්නෙ කොහොමද කියලා බලමු. 

• අවශ්‍ය ද්‍රව්‍ය

උණු කළ බටර් 80 g

කැට සහිත සීනි 100 g

දුඹුරු සීනි 75 g

බිත්තර 1

වැනිලා මේස හැඳි 1/2

ලුණු තේ හැඳි 1/8

පිටි 40 g

කොකෝවා පව්ඩර් 30g

චොකලට් චිප්ස් කෝප්ප 1/3

• සාදන ආකාරය

අවන් එක 350°F ට හීට් කරගන්න. උණු කෙරූ බටර්, කැට සීනි සහ දුඹුරු සීනි සමග මිශ්‍ර කරගන්න. එයට බිත්තරය සහ වැනිලා එකතු කර මෘදු වෙනතුරු බීට් කරගන්න. මීළඟට පිටි, කොකෝවා පව්ඩර් සහ ලුණු එකතු කර හොඳින් මිශ්‍ර කර ගන්න. ඉන්පසුව චොක්ලට් චිප්ස් එකතු කරන්න. දැන් බැටර් එක සූදානම් !

මීළඟට බැටර් එක loaf pan එකට දමා පැතිරෙන සේ අතුරාගන්න. ඉන්පසු මිනිත්තු 26-36ක් පමණ බේක් කරගන්න. බ්‍රව්නීස් එක අවන් එකෙන් එළියට ගත්විට ඉරිතලා ඇති විදිහට දකින්න පුළුවන්. අවන් එකෙන් එළියට ගෙන හොඳින් නිවුණ පසු කැබලිවලට කපා ගන්න.