ඖෂධ වර්ග හැටකට උපරිම මිල සංශෝධනයක්
ඩොලරයේ අගය තව දුරටත් ඉහළ යාම හේතුවෙන් ඖෂධ වර්ග හැටක උපරිම මිල සංශෝධනයක් සිදුවන බව ජාතික ඖෂධ නියාමන අධිකාරිය සඳහන් කරයි. ඒ අනුව 2023 වසරේදි නිකුත් කළ ඖෂධ වර්ග හැටකට උපරිම මිල ඇතුළත් ගැසට්ටුව සංශෝධනය කරමින් නව පියවර ගන්නා බව ඖෂධ නියාමන අධිකාරියේ සභාපති විශේෂඥ වෛද්ය ආනන්ද විජේවික්රම පැවසීය. ඒ අනුව සංශෝධනය කරන ඇතැම් ඖෂධවල මිල ඉහළ දැමීම ඉදිරි කාලයේදී සිදුවන බවත් සභාපතිවරයා සඳහන් කළේය. පසුගිය මාස කීපය තුළ රුපියලේ අගය අප්රමාණය වීම නිසා දැනට ඇතැම් ඖෂධවල මිල ඉහළ යාමේ සම්භාවිතාවක් පවතින බවත් සභාපතිවරයා පැවසීය.
