Beetroot Cutlets යකඩ බහුල කෑමක්
බීට්රූට් කියන්නෙ සිරුරට ගුණ දෙන පෝෂක රැසක් පිරුණු එළවළුවක්. යකඩ බහුල එළවළුවක්. ඒ වගේම ප්‍රතිඔක්සිකාරකත් අඩංගු වෙනවා. ගොඩක් වෙලාවට අපි පුරුදුවෙලා ඉන්නෙ බීට් රූට් කරි එකක් හදන්නනෙ. බීට් රූට් කට්ලට් ඉන්දියාවෙ ජනප්‍රිය කෑමක්. තේ වෙලාවට ස්නැක් එකක් විදිහටත් කදිමයි. ඒ වගේම බීට්රූට් කන්න අකමැති අයත් මේ විදිහට අනිවාර්යයෙන් කැමති වෙයි. රසට ගුණට වගේම කෑම මේසෙට ලස්සනකුත් එකතු කරන බීට්රූට් කට්ලට් හදන්නෙ කොහොමද කියලා බලමු.
• අවශ්‍ය දේවල්
බීට්රූට් අල දෙකක් (තම්බා ගන්න)
අර්තාපල් අල දෙකක් (තම්බා ගන්න ) 
සිහින්ව කැපූ ළූණු
ඉඟුරු පේස්ට් ස්වල්පයක්
සිහින්ව කැපූ අමුමිරිස් කරල් 2 – 3 ක්
පාන් පිටි ස්වල්පයක්
පාන් කුඩු
ගරම් මසාලා මේස හැන්දක්
ගම්මිරිස් කුඩු (රස අනුව)
ලුණු (රස අනුව)
පොල් තෙල්
• සාදන ආකාරය
තම්බාගත් බීට් රූට් සහ අර්තාපල් තලපයක් වන සේ හොඳින් පොඩි කර ගන්න. භාජනයකට බීට්රූට්, අර්තාපල් මිශ්‍රණය, ළූණු, ඉඟුරු පේස්ට්, ගම්මිරිස් කුඩු ,අමු මිරිස්, ඉරිඟු පිටි, ගරම් මසාලා, ලුණු එකතු කර හැන්දක් භාවිතයෙන් හෝ අත් දෙකෙන් හොඳින් අනා ගන්න. මිශ්‍රණය මෘදු ගතිය වැඩියි නම් පාන් කුඩු ස්වල්පයක් එකතු කරන්න.
