තේ වෙලාවට රස, ගුණ කෑමක් – ඇපල් කේක්

තේ වෙලාවට රස, ගුණ කෑමක් – Apple Cake

ඇපල් කේක් කියන්නෙ හරිම රස කෑමක්. තේ වෙලාවට, උත්සව අවස්ථාවකට ගැළපෙනම, රස වගේම ගුණෙනුත් ඉහළ ඇපල් කේක් එකක් ගෙදරදීම හදාගන්න විදිහයි මේ. 

* අවශ්‍ය දේවල්

පිටි 250 g

සීනි 200 g

බිත්තර 3 ක්

ෆ්‍රෙශ් මිල්ක් කෝප්පයක්

බටර් 250 g

බේකින් පවුඩර් තේ හැඳි 2

වැනිලා බිංදු කිහිපයක්

ලුණු කුඩු ස්වල්පයක්

ඇපල් ගෙඩි 2ක් ( රතු ඇපල් )

දෙහි යුෂ ටිකක්

* සාදන ආකාරය

ඇපල්වල පොතු ඉවත් කර සිහින්ව පෙති කපා ගන්න. ඊට පස්සෙ ඇපල් පෙති ටික දෙහි යුෂවල දමා පසෙකින් තියන්න. බඳුනකට බටර් සහ සීනි එකතු කර බීට් කරන්න. මෙයට බිත්තර, ලුණු සහ වැනිලා එකතු කරන්න. ඊට පස්සෙ කිරි එකතු කර ක්‍රීම් ගතියට බීට් කර ගන්න. මිශ්‍රණයට පාන් පිටි සහ බේකින් පවුඩර් එකතු කර හොඳට කවලම් කර ගන්න.

කේක් මිශ්‍රණය දෙකට වෙන් කර ඇපල් පෙති අතුරන්න. ඊට උඩින් අනිත් කේක් තට්ටුවත් හදාගෙන (මිශ්‍රණයේ ඉතුරු ටික) කේක් එකේ උඩ ඇපල් පෙතිවලින් කැමති විදිහට සරසා ගන්න. 170/ 180 C අගයට අවන් එක විනාඩි දහයක් විතර heat කරලා විනාඩි 45 – 50 ක් විතර කේක් එක බේක් කරගන්න. අවන් එකෙන් එළියට අරගෙන කැමති නම් දුඹුරු සීනි ටිකක් ඉස හැඩ කරගන්නත් පුළුවන්