Russian Pilot – යුක්රේනයට පැන ගිය රුසියානු හෙලිකොප්ටර් නියමුවෙකු එරට ආරක්ෂක බුද්ධි අංශය විසින් ප්රකාශයට පත් කරන ලද සම්මුඛ සාකච්ඡාවකදී ඔහුගේ Mi8 ප්රහාරක හෙලිකොප්ටරයෙන් දේශ සීමාව හරහා පියාසර කිරීමේ නිර්භීත මෙහෙයුම පිළිබඳ තොරතුරු හෙළි කර තිබෙනවා. යුක්රේන බුද්ධි අංශ නිලධාරීන් විසින් Maxim Kuzminov ලෙස නම් කරන මෙම ගුවන් නියමුවා සම්මුඛ සාකච්ඡාවේදී, තම පලායෑම සැළසුම් කළ ආකාරය සහ ඔහුට එසේ කිරීමට බල කළේ මන්දැයි යන්න පැහැදිලි කර තිබෙනවා.
“මම යුක්රේන බුද්ධි අංශ නියෝජිතයින් සම්බන්ධ කරගෙන, මගේ තත්වය පැහැදිලි කළා, ඔවුන් මට මෙම විකල්පය ලබා දුන්නා. ඔවුන් “එන්න, අපි ඔබේ ආරක්ෂාව සහතික කරනවා, මෙහි ජීවත්වීමට අවශ්ය නව ලියකියවිලි,විසා බලපත්ර ලබාදෙන බවට සහතික වෙනවා, මුදල් වන්දි, ත්යාගයක් ලබාදෙනවා” යැයි තමන්ව දිරිගැන්වූ බව ගුවන් නියමුවා සඳුදා මුදාහරින ලද සාකච්ජාවේදී පැවසුවා. එමෙන්ම යුක්රේන ආරක්ෂක බුද්ධි අංශ ප්රධානී Kyrolo Budanov, යුක්රේන නිලධාරීන් ගුවන් නියමුවාට ඉවත් වීමට උදව් කළ ආකාරයද විස්තර කර තිබුණා. “අවසානයේදී සිදුවන්නේ කුමක්දැයි නොදන්නා කාර්ය මණ්ඩලයක් සමඟ ඔහුට මෙම ගුවන් යානය භාර ගැනීමට හැකි වන පරිදි කොන්දේසි නිර්මාණය කිරීමට අපට හැකි වුණා, ඔහු සමඟ තවත් දෙදෙනෙක් සිටියා. පුද්ගලයන් තිදෙනෙකුගෙන් යුත් සම්පූර්ණ කාර්ය මණ්ඩලයක්. ඔවුන් ගොඩ බැස්සේ කොතැනකදැයි දැනගත් පසු ඔවුන් පැන යාමට උත්සාහ කළත්, වාසනාවකට,අපිට ඔවුන්ව ජිවිත හානියකින් තොරව බේරාගැනීමට හැකිවුණා.” යැයි ඔහු Radio Liberty වෙත පවසා තිබුණා.
“නාසීන් හෝ ෆැසිස්ට්වාදීන් නැති මෙතන වෙන්නේ ඇත්තටම අපකීර්තියක්. ඝාතනය, කඳුළු,ලේ. මිනිසුන් සරලවම එකිනෙකා මරා ගන්නවා. මට මෙයින් එක කොටස්කරුවෙකු වීමට අවශ්ය වුයේ නැහැ” යනුවෙන් පවසන පලාගිය ගුවන් නියමුවා, සිය හමුදාවේ අනෙකුත් රුසියානුවන්ගෙන් යුක්රේනයට පලා යන ලෙස ඉල්ලා සිට ඇත. CNN වාර්තාකරුවන් හට නියමුවාගේ අනන්යතාවය තහවුරු කර ගැනීමට නොහැකි වී ඇති නමුත්, ස්වාධීන රුසියානු නාලිකාවක් වන Agenstvo පවසා තිබුණේ, ඔහුගේ සමාජ මාධ්ය පැතිකඩ සොයාගෙන ඇති බවත් ඔහු නැගෙනහිර හමුදා දිස්ත්රික්කයේ 319 වන හෙලිකොප්ටර් රෙජිමේන්තුවේ ප්රහාරක නියමුවෙකු බවත්ය. ආරක්ෂක අමාත්යාංශයේ මනා සම්බන්ධතා ඇති යුක්රේන මාධ්යවේදී Yuriy Butusov මීට පෙර වාර්තා කළේ “හෙලිකොප්ටරය සම්පූර්ණයෙන්ම නොවෙනස්ව පවතින අතර එහි උපකරණ සවිස්තරාත්මක පරීක්ෂණයකින් පසු යුක්රේන සන්නද්ධ හමුදාවට එක් කරනු ඇති” බවයි.
-CNN News ඇසුරෙනි-
Photo Credit: www.cnnnews.com
