Beach වෙරළ තීරයට දිය නෑම සඳහා යහළුවන් සහ නෑදෑයන් පිරිසක් සමග ගිය දරුවන් දෙදෙනෙකු මුහුදේ ගිලී අතුරුදහන් වී තිබෙන බව පොලීසිය පවසනවා.
ඊයේ (16) සවස 5.30ට පමණ පිරිසක් විනෝදය සඳහා පානදුර වෙරළ තීරයේ දිය නාමින් සිටියදී, ඉන් පස් දෙනෙකු දියවැලකට හසුව ගසා ගෙන ගොස් ඇති අතර, එම අවස්ථාවේ ක්‍රියාත්මක වූ පානදුර වෙරළ නාවික හා පොලිස් ජීවිත ආරක්ෂක කණ්ඩායම් ඉන් පුද්ගලයින් තුන්දෙනෙකුගේ දිවි ගලවා ගත් බවත්, ඉතිරි දරුවන් දෙදෙන‍ා දියේ ගිලී අතුරුදහන් වී ඇති බවයි පොලීසිය සඳහන් කළේ.
මෙසේ දියේ ගිලී අතුරුදහන් වී ඇත්තේ මොහොමඩ් ඉර්ෆාන් මොහොමඩ් මුහම්මදු නම් වයස අවුරුදු 15ක දරුවෙක් සහ බණ්ඩාරගම අටලුගම ප්‍රදේශයේ පදිංචි යසීර් අර්ෆාත් අහමඩ් නැමති මෙවර සාමාන්‍ය පෙළ විභාගයට පෙනී සිටීමට නියමිත දරුවෙක් වන අතර ඔවුන් සොයා මෙහෙයුම් ක්‍රියාත්මක කර තිබෙනවා.
