High Temperature – එක්සත් ජාතීන්ගේ ළමා ඒජන්සියට අනුව දේශගුණික අර්බුදය හේතුවෙන් ජීවිතයට තර්ජනයක් වන තාප තරංග වඩාත් ශක්තිමත් හා නිතර නිතර වැඩි වන බැවින් දකුණු ආසියාවේ ළමුන් බිලියන භාගයකට ආසන්න සංඛ්යාවක් අධික උෂ්ණත්වයට නිරාවරණය වීම සිදුවන බව හෙළිවී තිබෙයි. ප්රවෘත්ති නිවේදනයක් නිකුත් කරමින් යුනිසෙෆ් ආයතනය පවසා තිබුණේ 2020 දත්ත විශ්ලේෂණයෙන් පෙන්නුම් කළේ ඇෆ්ගනිස්ථානය, ඉන්දියාව සහ පකිස්ථානය ඇතුළු රටවල ළමුන් මිලියන 460 ක් වසරකට දින 83 ක් හෝ ඊට වැඩිකාලයක් සෙල්සියස් අංශක 35 (ෆැරන්හයිට් 95) ඉක්මවන උෂ්ණත්වයට නිරාවරණය වී ඇති බවයි. වයස අවුරුදු 18 ට අඩු අය සඳහා වඩාත්ම පීඩාවට පත් කලාපය ආසියා බවයි විශ්ලේෂණයෙන් පෙන්නුම් කර තිබිණි. දකුණු ආසියාවේ ළමුන්ගෙන් 76% ක් අධික උෂ්ණත්වයට නිරාවරණය වී ඇති අතර ගෝලීය වශයෙන් එය 32% ක් බව යුනිසෙෆ් පවසයි.
“දකුණු ආසියානු කලාපයේ රටවල් මේ වන විට ලෝකයේ උණුසුම්ම රටවල් නොවේ, නමුත් මෙහි තාපය මිලියන ගණනක දරුවන්ගේ ජීවිත අවධානම පිළිබඳව තර්ජනාත්මකයි. විශේෂයෙන් ළදරුවන්, කුඩා දරුවන්, මන්දපෝෂණයෙන් පෙළෙන දරුවන් සහ ගර්භනී කාන්තාවන් ගැන සැලකිලිමත් විය යුතු වන්නේ ඔවුන් අධික තාපයට නිරාවරණය වීමෙන් බරපතල තත්වයන්ට ගොදුරු විය හැකි බැවිනි ” යුනිසෙෆ් ආයතනයේ දකුණු ආසියාවේ කලාපීය අධ්යක්ෂ සංජය විජේසේකර මහතා එසේ පැවසීය. ඉන්දියාවේ සමහර ප්රදේශවල උෂ්ණත්වය ජුනි මාසයේදී සෙල්සියස් අංශක 47 (ෆැරන්හයිට් 116) දක්වා ඉහළ ගොස් ඇති අතර, අවම වශයෙන් පුද්ගලයින් 44 දෙනෙකුවත් මිය ගොස් ඇති අතර තාපය ආශ්රිත රෝගවලින් සිය ගණනක් පිඩා විඳිමින් සිටින බව වාර්තා වෙයි.
-CNN ඇසුරෙනි-
