Plantation Workers’ wages – වතු ක්ෂේත්රයේ පඩි පාලක සභාව ඊයේ (අගෝස්තු 12) කම්කරු කොමසාරිස් දෙපාර්තමේන්තුවේදී රැස්වීමෙන් අනතුරුව වතු කම්කරු දෛනික වැටුප රුපියල් 1,700ක් දක්වා වැඩි කිරීමට තීරණය කර තිබේ. මෙම තීරණය ගෙන ඇත්තේ, කම්කරු ඇමතිවරයා වශයෙන් ජනාධිපති රනිල් වික්රමසිංහගේ උපදෙස් පරිදි ය.
එසේම, වතු කම්කරුවෙකුට පර්චස් 8ක ඉඩම් හිමිකම් ප්රදානය කිරීමටත්, වතු නිවාස සහ වතුකරයේ ගුරු සහායක පත්වීම් ලබා දීමේ ගැටළු විසඳීමටත්, ඊයේ පෙරවරුවේ පැවති සාකච්ඡාවකදී ජනාධිපතිවරයා ප්රතිඥා ලබා දුන් බවත්, මෙමඟින් වතු කම්කරුවන් දීර්ඝ කාලයක් තිස්සේ මුහුණ දුන් වැටුප් ගැටළුවට මෙන්ම වතු කම්කරු ප්රජාවට ලැබිය යුතු අත්යවශ්යම කාරණා කිහිපයකට කඩිනම් විසඳුම් ලැබී ඇති බව, ලංකා ජාතික වතු කම්කරු සංගමයේ මහලේකම් පාර්ලිමේන්තු මන්ත්රී වඩිවේල් සුරේෂ් පැවසීය.
