Bevary City Hotel – අනුරාධපුර පුජා නගරයේ පිං සුවඳ මුසුව, ඓතිහාසික තිසා වැව පිස හමනා සුළං රැළි වලින් නිරන්තර සිසිල්ව ඇති,නාගරික කාර්බහුල බවෙන් දුරස්ව පිහිටි නිහඬ,නිස්කලංක නිවාඩු නිකේතනයකි. එහෙත් පුජා නගරය මාධ්යයේ පිහිටි මෙය අනුරාධපුර ගොඩගේ මාවත ඔස්සේ පැමිණි විට විනාඩි 5-10ත් අතර කාලයකින් ළඟා විය හැකි දුරක පිහිටා තිබේ. අනුරාධපුර උසාවිය සහ නගර සභාව අතර පිහිටා ඇති Bevary City Hotel ආරම්භ කර ඇත්තේ 2013 වසරේදීය.
දේශීය සංචාරකයින් වෙනුවෙන්ම සකසා ඇති බෙවරී හෝටලය, විශේෂයෙන්ම පුජා නගරය වැඳ,පුදා ගැනීමට පැමිණෙන බැතිමතුන්ට අවශ්ය පරිදි මානසික සුවයෙන් එහි කල් ගත කිරීමට හැකිවීම ප්රධානය. පවුලේ සාමාජිකයින් සමඟ පොදු ප්රවාහන සේවයක [දුම්රියේ හෝ බස්රියේ] පැමිණෙන්නේනම් ඔවුන් වෙනුවෙන් අනුරාධපුර නගරයේ සිට හෝටලය වෙත පැමිණීමට ප්රවාහන පහසුකම් සැළසිමටද බෙවරී හෝටලය සුදානම්ය. එමෙන්ම පුජා නඟරය වැඳ ගැනීමට යෑම සඳහා හෝටලයේ සිට පුජා නගරයටද ප්රවාහන පහසුකම් සපයා දෙනු ඇති. තවද තනි පුද්ගලයන් ලෙස නගරයේ සිරි නැරඹීමට අවැසි අය සඳහා පාපැදි වලින් ගමන් කිරීමට පාපැදි ලබාදීමේ පහසුකමද ඔවුන් සතුව පවතී.
කාමර 12කින් සමන්විත මෙම හෝටලයේ කාමර බෙදා ඇත්තේද විශේෂිත ආකාරයෙනි. සාමාන්ය සහ වායුසමීකරණ සහිත කාමර පහසුකම් තිබෙන අතරම තනි කාමරයක් තුළ තිදෙනෙකුට,සිව් දෙනෙකුට සහ හය දෙනෙකුට නවාතැන් ගත හැකි ආකාරයට කාමර නිර්මාණය කර තිබීම අනෙක් නවාතැන්පලවල් හා සසඳද්දී බෙවරී හෝටලයටම ආවේණික වූ ක්රමයකි. සෑම කාමරයකටම උණු වතුර, සැටලයිට් රුපවාහිනී සම්බන්ධතා සහ අන්තර්ජාල පහසුකම් නොමිලේම ලබාදී තිබීම අනෙක් සුවිශේෂ කාරණයයි. වන්දනා නඩයක් ලෙස පැමිණෙන්නේ නම් 50 දෙනෙකුට පමණ එකවර පහසුවෙන් ලැගුම් ගත හැකි අතර පුජා නගරයට අමතරව මෙහි සිට මිහින්තලයට ඇත්තේ අතේ දුරය. තවද විල්පත්තුව ජාතික වනෝද්යානය තුළ සෆාරි අත්දැකීමක් විඳ ගැනීම, රිටිගල කන්ද තරණය සඳහා අවශ්ය පහසුකම් සළසා දීමටද ඔවුන් සුදානම්ය.
ඔබට අවශ්ය ආකාරයට දෙස්,විදෙස් ආහාරපාන පළපුරුදු සුපවේදීන් ලවා සකසා ගත හැකි අතර ඔබ විසින් සකසාගෙන පැමිණෙන හෝ පිටතින් ඇනවුම් කරගන්නා ආහාරපාන හෝටලය තුළ පාවිච්චි කිරීමට කිසිඳු බාධාවක් නොමැත. ජය ශ්රී මහා බෝධීන් වහන්සේ වන්දනා කිරීමට අවශ්ය කිරි ආහාර සකසා දීමද හෝටල් සුපවේදීන් විසින් සිදු කරනු ලබයි. පවතින ආර්ථික තත්වය යටතේ ඉතාම සහනදායි මිලකට, විශ්වාසවන්ත සහ ආරක්ෂාකාරී නවාතැන් පහසුකම් සහිත සේවාවක් සඳහා බෙවරී සිටි හෝටලයේ හිමිකරු සෙනත් අබේවර්ධන ඇතුළු කාර්ය මණ්ඩලය වගකීමෙන් බැඳී සිටී. ඓතිහාසික පුරවරයක ශ්රී විභූතිය රාජකීය ලීලාවෙන් දැක බලාගැනීමට සහ විඳ දරාගැනීමට ඔබේ මීළග චාරිකාවේ නවාතැන ලෙස Bevary City Hotel වෙන්කර ගැනීමට පහත සබඳතා හරහා ඔවුන්ව සම්බන්ධ කරගන්න.
Mr. Senath Abeywardena owner of the hotel.
Bevary City Hotel.
No: 277,
Godage Mawatha,
Anuradhapura.
0712228555
0772553346
0252223406
Facebook Page: Bevary City Hotel
