Loyalty බෙදීමක් නැති බැඳීමක්
ආව ගිය මඟවත් නොයා
මතකයන් හළුකර දමා
රිදෙන විට පිරිමැද තවා
ප්රේමයක් ඇත පේ වෙලා..
කදුළු හොරැහින් පිසදදා
දිග සුසුම් තනිවම හෙලා
පෙර මතකයන් විඳ, විඳා
ප්රේමයක් ඇත පේ වෙලා..
නොදැකි ගානට මඟ හැරා
ගැටෙන ඇස ගෙන ඉවතලා
සිහිවටන මැද ගිණි කකා
ප්රේමයක් ඇත පේ වෙලා..
උමතු තනිකම කියවලා
ඔහේ තනි මඟ ඇවිදලා
කුස නොකා එය රවටලා
ප්රේමයක් ඇත පේ වෙලා..
සියළු වැඩ හෙටටම දමා
ලෙයක් ළයකට හිරවෙලා
ලොවට දුක ගැන සඟවලා
ප්රේමයක් ඇත පේ වෙලා..
බැඳීමට ලොබ බැඳීමක
පිදීමක් ලඟ තිබේමය
බෙදීමක් නැති බැඳිමක
වෙළිමත් හරි අගේමය……
