Jessica Radcliffe – Pacific Blue Marine නම් උද්‍යානයක සජීවී සංදර්ශනයක් අතරතුර තල්මසෙකු (Orca) තරුණියකට ප්‍රහාරයක් එල්ල කරන අන්දම දැක්වෙන වීඩියෝ පටයක් පසුගිය දිනවල සමාජ මාධ්‍ය උණුසුම් කර තිබුණා. සමුද්‍ර පුහුණුකාරියක වූ Jessica Radcliffe තල්මසා සමග සංදර්ශනයක් ඉදිරිපත් කරමින් සිටි අතර මොහොතකින් ප්‍රකෝපකාරීව හැසිරෙන තල්මසා ඇයව දිය යටට ඇදගෙන යන අයුරු දක්නට ලැබෙන්නේ ප්‍රේක්ෂකයන්ගේ බියපත් කෑගැසීම් ද ඇසෙන අයුරින්. මිනිත්තු කිහිපයකින්ම Jessica Radcliffe මිය ගිය බව ඇතැම් අය පවසා තිබුණා. දර්ශන එතරම් පැහැදිළි නොවන මෙම වීඩියෝව ෆේස්බුක්, ටික්ටොක් සහ X සමාජ මාධ්‍යවල වේගයෙන් සංසරණය වූයේ බොහෝ දෙනා කම්පාවට පත් කරමින්. නමුත් පසුව හෙළිදරව් වූයේ මෙම වීඩියෝව 100% ක් ම නිර්මාණය කරන ලද අසත්‍ය එකක් බවයි. මෙහි සඳහන් උද්‍යානයේ නම පවා ව්‍යාජ එකක් බැව් සඳහන්.
කෘතිම බුද්ධිය (AI) හේතුවෙන් සත්‍යය සහ ප්‍රබන්ධය වෙන් කර ගැනීම තව තවත් අසීරු වී තිබෙනවා. ප්‍රවෘත්ති දැනගැනීමේදී වගකීම් සහගත සහ විශ්වාසවන්ත මාධ්‍යයක් භාවිතා කිරීමට සැලකිළිමත් වීම වැදගත්.
– Times Of India ඇසුරිනි –
