Bollywood සිනමාවේ දැවැන්ත තරු යුගලක් වන කාජල්ගේ සහ අජේ දේව්ගන්ගේ දියණිය සිනමාවට පිවිසෙනු ඇති බවට ඉන්දීය රසිකයන් සහ මාධ්ය අතර කතාබහක් ඇතිව තිබිණි. පසුගියදා News 18 විසින් පවත්වන ලද උත්සවයකදී Nysa Devgan සිනමාවට පිවිසෙනවාදැයි මාධ්යවේදියෙකු ඇසූ පැනයට පිළිතුරු දෙමින් කාජල් මේ බව හෙලිදරව් කර සිටියා. එහිදී, තමන්ගේ දියණිය බොලිවුඩ් සිනමාවට පිවිසෙන්නේ නැති බවයි මාධ්ය වෙත අදහස් දක්වමින් කාජල් පවසා සිටියේ.
“මම හිතන්නෙ නෑ ඇය බොලිවුඩ් එයි කියලා. ඇයට දැන් අවුරුදු 22ක්. දැනට ඇය තීරණය කරල තියෙන්නෙ බොලිවුඩ් එන්නෙ නැහැ කියලා ” කාජල් පවසා සිටියා.
ඇය නවකයන්ට දෙන උපදෙස් මොනවාදැයි ඇසූ පැනයට පිළිතුරු දුන් කාජල් “කරුණාකරල හැමෝගෙන්ම උපදෙස් ගන්න යන්න එපා. මිනිසුන්ගෙන් ඔබ උපදෙස් ඉල්ලුවොත් ඒ අය ඔබේ කොන්ඩෙ පැහැය, නාසය, අත් මේ හැමදෙයක්ම වෙනස් කරන්න කියයි ” යනුවෙන් පවසා සිටියා.
එලඹෙන ජුනි 27 වෙනිදා තිරගත වීමට නියමිත ත්රාසජනක කතා තේමාවක් රැගත් Maa චිත්රපටයේ තම දියණිය ආරක්ෂා කරගැනීමට සටන් වදින මවකගේ චරිතය තුළින් කාජල් රසිකයින් හමුවට ඒමට නියමිතයි. මෙම චිත්රපටය Vishal Furia ගේ අධ්යක්ෂණයක්.
– Indian Express ඇසුරිනි –
