Batman Forever, Star of Top Gun වැනි චිත්‍රපට ඔස්සේ අතිශය ජනප්‍රියත්වයට පත් අමෙරිකානු රංගන ශිල්පී Val Kilmer ඊයේ (අප්‍රේල් 01) මෙලොවින් සමුගෙන තිබෙනවා. මිය යන විට ඔහුගේ වයස අවුරුදු 65 ක්.
නිවුමෝනියාව හේතුවෙන් තම පියා මිය ගිය බව ඔහුගේ දියණිය Mercedes Kilmer තහවුරු කළ අතර වැඩිදුර අදහස් දැක්වූ ඇය පැවසුවේ 2014 වසරේදී තම පියාට උගුරේ පිළිකා තත්වයක් ඇති වූ බවයි.
1986 නිකුත් වූ Top Gun චිත්‍රපටයේ Iceman චරිතයත් සමගින් ප්‍රේක්ෂක අවධානය දිනාගන්නට ඔහු සමත් වූවා. 2022 එහිම දිගුවක් වූ Top Gun: Maverick චිත්‍රපටයේ ඔහු රඟපෑවේ සුපිරි නළු Tom Cruise සමගින්. Batman Forever චිත්‍රපටයේ Bruce Wayne ගේ චරිතය ඔහුට උරුම කරදුන්නේ අතිමහත් ජනප්‍රියත්වයක්. 1980 – 1990 අවධිය Val Kilmer ගේ රංගන දිවියේ හොඳම කාලය ලෙසින් සැලකෙනවා. තමාට ලැබුණ චරිතයක් වෙනුවෙන් බොහෝ සේ කැපවුන රංගන ශිල්පියෙක් ලෙසින් ඔහු ප්‍රසිද්ධයි. ඇතැම් අවස්ථාවලදී අධ්‍යක්ෂවරුන් සමගින් ඔහු ඇතිකරගත් මතභේද ඔහුගේ වෘත්තිය ජීවිතයට ඇතිකලේ අයහපත් බලපෑමක්.
1988 වසරේ දී The Willon චිත්‍රපටය සඳහා රංගනයෙන් දායක වන අතරතුර දී ඔහුට තම බිරිඳ Joanne Whalley මුණගැසුණා. දරුවන් දෙදෙනෙකුගේ දෙමාපියන් වූ ඔවුන් 1996 වසරේදී දික්කසාද වී තිබුණා.
– Independent ඇසුරෙනි –
