Hackers – උතුරු කොරියානු හැකර්වරු මේ සතියේ පැවැත්වීමට නියමිත ඇමරිකානු සහ දකුණු කොරියානු ඒකාබද්ධ හමුදා අභ්යාසයන් ඉලක්ක කර ඇති නමුත් රහසිගත තොරතුරු කිසිවක් ලබා ගැනීමට අපොහොසත් වු බව දකුණු කොරියානු පොලීසිය අද නිවේදනය කළේය. උතුරු කොරියාවෙන් ඇති විය හැකි න්යෂ්ටික මිසයිල තර්ජන වලට ප්රතිචාර දැක්විමේ හැකියාව වැඩි කර ගැනීම සදහා ලබන සදුදා ඇමරිකාව සහ දකුණු කොරියාව 11- Day Ulchi Freedom Guardian නම් මෙම අභ්යාස මෙහෙයුම ආරම්භ කරනු ඇත. උතුරු කොරියාව මෙම අභ්යාස වලට විරුද්ධ වන්නේ ඒවා තම රට ආක්රමණයට ඇමරිකාවේ සහ ඔවුන්ගේ දකුණු කොරියානු සගයන්ගේ සුදානම් වීමක් බව පවසමිනි.
Kimsuky ලෙස හදුන්වනු ලබන උතුරු කොරියානු කණ්ඩායමක් හැක් කිරීම මෙහෙයවා ඇති අතර ඔවුන් දකුණු කොරියානු කොන්ත්රාත් කරුවන් පිරිසකගේ විද්යුත් තැපෑල හරහා හැක් කිරීම සිදු කර ඇති බවට වාර්තා වේ. ඔවුන් සේවය කරන්නේ දකුණු කොරියාවේ ඒකාබද්ධ යුධ අභ්යාස සමාකරණ මධ්යස්ථානයේ බව Gyeonggi Nambu පලාත් පොලිස් ඒජන්සිය නිවේදනයක් නිකුත් කරමින් කියා සිටියහ. “හමුදා සම්බන්ධව කිසිදු තොරතුරක් හැකර්වරු සොරකම් නොකල බවද” පොලීසිය අද නිවේදනයක් නිකුත් කරමින් කියා සිටියේය.
– REUTERS පුවත් සේවය ඇසුරෙනි-
Photo Credit: bignewsnetwork.com/asiapacificnews
