Western Province – බස්නාහිර පළාත භාර ජ්යෙෂ්ඨ නියෝජ්ය පොලිස්පතිවරයා ඇතුළු උසස් නිලධාරීන් සිව් දෙනෙකුට ස්ථාන මාරුවීම් ලබා දීමට පොලිස් කොමිෂන් සභාවේ අනුමැතිය හිමිව ඇති අතර මෙම ස්ථාන මාරුවීම් අනිද්දා (පෙබ: 5) සිට ක්රියාත්මක වන බව පොලිස් මූලස්ථානය සඳහන් කරයි. ඒ අනුව ජ්යෙෂ්ඨ නියෝජ්ය පොලිස්පතිවරුන් දෙදෙනෙකුට සහ නියෝජ්ය පොලිස්පතිවරු දෙදෙනෙකුට මෙලෙස ස්ථාන මාරුවීම් ලබා දී තිබේ.
බස්නාහිර පළාත භාර ජ්යෙෂ්ඨ නියෝජ්ය පොලිස්පති කේ.ජී.එම්. ගුණරත්න, සබරගමුව පළාත භාර ජ්යෙෂ්ඨ නියෝජ්ය පොලිස්පතිවරයා ලෙස මාරුකර ඇති අතර සබරගමුව පළාත භාර ජ්යෙෂ්ඨ නියෝජ්ය පොලිස්පති පී.පී.එස්.එම්. ධර්මරත්න බස්නාහිර පළාත භාර ජ්යෙෂ්ඨ නියෝජ්ය පොලිස්පතිවරයා ලෙසත්
කළුතර දිසා භාර නියෝජ්ය පොලිස්පතිවරයා ලෙස රාජකාරි කළ ජී.ඒ.එන්.එල්. විජේසේන සුබසාධක දිසාව භාර නියෝජ්ය පොලිස්පතිවරයා ලෙස මාරුකර ඇති අතර නියෝජ්ය පොලිස්පති ඩබ්ලිව්.ජේ. පද්මිනි කළුතර දිසාව භාර නියෝජ්ය පොලිස්පති ලෙස පත්වීම් ලබා තිබේ.
