Susil Premajayantha – පාසල් ආදි ශිෂ්‍ය සංගම්වල ඉල්ලීමකට අනුව කරන ලද සොයා බැලීමකදී, දේශපාලනඥයන් ඇතුළු විවිධ පුද්ගලයන්ගේ නම් ඔවුන් ජීවත්ව සිටියදී පාසල්වලට යොදා තිබෙන බවත්, එසේ ජීවතුන් අතර සිටින දේශපාලනඥයන් ඇතුළු විවිධ පුද්ගලයන්ගේ නම්වලින් හඳුන්වන පාසල්වලින් එම නම් ඉවත් කරන ලෙසට සියලුම පළාත් ආණ්ඩුකාරවරුන්ට දැනුම් දෙන බවත් අධ්‍යාපන අමාත්‍ය සුසිල් ප්‍රේම්ජයන්ත පවසයි.
හෙට (පෙබරවාරි 16) සියලුම ආණ්ඩුකාරවරුන් හමුවී මෙම තීරණය දැනුම් දෙන බව පැවසූ ඇමතිවරයා මින් ඉදිරියට එය සිදුකිරීමට ඉඩ නොදෙන බවත්, ඒ සඳහා අවශ්‍ය නීති ගෙන එන බවත් ප්‍රකාශ කළේය. මේ අතර, දේශපාලනඥයන් පාසල්වලට ගොස් ආධාර ලබා දෙන මුවාවෙන් සිදු කරන දේශපාලන කතා නතර කිරීමට පියවර ගන්නා බව ද අමාත්‍යවරයා වැඩිදුරටත් පැවසීය.
