Defeated ministers – පසුගියදා (නොවැම්බර් 16) නාවලපිටිය මහින්දානන්ද අලුත්ගමගේ පදනමේ මාධ්‍ය හමුවකදී හිටපු අමාත්‍ය මහින්දානන්ද අලුත්ගමගේ ක්‍රියාකාරී දේශපාලනයෙන් සමුගන්නා බව ප්‍රකාශ කර තිබිණි. දශක තුනකට අධික කාලයක් පුරාවට තමා විසින්ද, දශක හතක් තිස්සේ අලුත්ගමගේ පවුල විසින්ද නාවලපිටිය මැතිවරණ බල ප්‍රදේශයට කළ බව කියන පුළුල් දේශපාලන මෙහෙවර ගැන ආවර්ජනය කරමින් මහනුවර දිස්ත්‍රික්කයේ ජනතාවට තවදුරටත් තම සේවය අවශ්‍ය නොවන බව පසුගිය මහ මැතිවරණ ප්‍රතිඵලයෙන් පෙනී ගිය බැවින් තමා දේශපාලනයෙන් ඉවත් වීමට තීරණය කළ බව පැවසිය.
නමුත් සැබෑම හේතුව එයද..? 2024 මහ මැතිවරණයේදී “ගෑස් සිලින්ඩරය” ලකුණින් නව ප්‍රජාතන්ත්‍රවාදී පෙරමුණෙන් (NDF) තරග කළ මහින්දානන්ද අලුත්ගමගේට මහනුවර දිස්ත්‍රික්කයෙන් ලබා ගත හැකිවුයේ ඡන්ද 20,401ක් පමණි. ඔහු මින් පෙර මැතිවරණවලදී මනාප ඡන්ද 200,000 කට ආසන්න ප්‍රමාණයක සිටි අයෙකි. පළාත් සභා මන්ත්‍රීවරයෙකු ලෙස දේශපාලනයට පැමිණ වසර 30ක් තිස්සේ රජයේ ප්‍රභල අමාත්‍යධුර හොබවූ මහින්දානන්දලාට ජනතාව ජන්දයෙන් “ටටා..බායි..” කීවේ ඇයි..?
ඇත්තටම එසේ වුයේ මහින්දානන්ද කිවා සේ “ඡන්ද දායකයන් මගේ දේශපාලනය තවදුරටත් අවශ්‍ය නොවන බව තීරණය කළ නිසාද..?” නැත. බොරුව, වංචාව, දුෂණය, චණ්ඩිකම, ජනතා මුදලින් සිය පවුල් පෝෂණය කිරීම සැබෑ හේතු ය. ඔහු කීවා සේ පවුලේ අය අවුරුදු 70 කුත් තමන් අවුරුදු 30කුත් එකතුව අවුරුදු 100ක් සැබෑවටම ජනතාවට සේවය කළේනම්, පාර්ලිමේන්තු අසුනක්වත් නොදී මෙලෙස ගෙදර එලවාවිද..? ගුණතිලක රාජපක්ෂලාගේ කකුල් කැඩෙන්නට පහරදී, බිරින්දෑවරු පවා තමන්ට එරෙහිව නඩු මඟට බසින තැනට වැඩකළ මහින්දනන්දලාට නිවසට වී හෝ යහතින් සිටිය හැකිනම් පුදුමය. හිටපු ඇමතිතුමනි! මේ “දේශපාලනයෙන් සමුගන්නවා” යන වචනයට ගමේ භාෂාවෙන් කියනුයේ “ඇපත් නැතුව ගෙදර එළවනවා” කියා ය.
