Darshan Dharmaraj යනු කලකට ඉහතදී ජීවන රඟ මඩලෙන් නික්ම ගිය දක්ෂ,නිහතමානි රංගන ශිල්පියෙකි. ඔහු මියගියද, ඔහුගේ රංගන ප්රතිභාව සදාකාලිකව මේ කලා අවකාශය තුළ නොමැරී ජිවත්වන බව පසක් කරමින්, නැවතත් ඔහුට හොඳම නළුවා සම්මානය හිමිව තිබෙනවා. ඒ ඔහු රංගනයෙන් දායක වූ රංග ලියනවඩුගේ අධ්යක්ෂණය කළ, ආශා විතානගේ නිෂ්පාදනය කළ සම්මාන ගණනාවකින් පිදුම් ලැබූ “චක්රය” කෙටි චිත්රපටය සඳහායි.
එම සම්මානය ඔහුට හිමිව තිබෙන්නේ ඉන්දියාවේ පැවති Behala International Film Festival (2023) season 3 සම්මාන උළෙලේදීය. මෙහිදී හොඳම නළුවාට හිමි සම්මානය දර්ශන් ධර්මරාජ්ටත් ඔහු සමගින් “චක්රය” චිත්රපටයේ රඟපෑ ආශා දර්ශනී විතානගේ හොඳම නිළියට හිමි සම්මානයෙනුත් පිදුම් ලැබ තිබෙනවා. “චක්රය” කෙටි චිත්රපටයේ රංගනය වෙනුවෙන් හොඳම නළුවා සහ නිළිය ලෙසින් ජාත්යන්තර සම්මානයෙන් ඔවුන් දෙදෙනා පිදුම් ලැබූ තෙවන අවස්ථාව මෙය වීම සුවිශේෂියි.
