Beauty hacks ලස්සන වෙන කුස්සියේ රහස්
පැහැපත් සමක්, නිරෝගී හිසකෙස්, ශක්තිමත් නිය පෙළක් ලබා ගන්න ගොඩක් අය සිහින මවනවා. ආලේපන, විටමින් වර්ගවලට අනවශ්ය විදිහට සල්ලි නාස්ති කරන්නෙ නැතුව ලස්සන වෙන්න උදව් වෙන simple beauty hacks ටිකක් තමයි මේ. මේ දේවල් ගෙදර, කුස්සියේ නිතර තියෙන දේවල් පාවිච්චියෙන් කරන්න පුළුවන්.
• Natural glow එකකට Milk Ice Cubes
Ice cube tray එකකට කිරි දාලා milk ice cubes හදාගන්න පුළුවන්. දවසට සැරයක් මේ අයිස් කියුබ් එකකින් මුහුණ පිරිමදින්න. එමගින් සමේ වියළි බව අඩුවෙනවා. මුහුණට natural glow එකක් ලබා දෙනවා.
• කෝපි එකෙන් scrub එකක්
කෝපි එකක් බිව්වට පස්සෙ මග් එකේ ඉතිරි වෙන කෝපි කුඩු කියන්නෙ හොඳ scrub එකක්. එයින් මැරුණු සෛල ඉවත් වෙලා ගිහින් නැවුම් පෙනුමක් ලැබෙනවා. මුහුණට විතරක් නෙමෙයි තොල් දෙක scrub කරන්නත් කෝපි හොඳයි.
• සුදුවන් දත් පෙළකට Baking Soda
Baking Soda වලට පැල්ලම් ඉවත් කරන්න පුලුවන්. සතියකට දෙතුන් වතාවක් baking soda ස්වල්පයකින් දත් මදින්න. මේකෙන් දත්වල කහ පැහැය ඉවත්වෙලා දීප්තිමත් බවක් ලැබෙනවා. නමුත් මේක නිතර නිතර කරන එක සුදුසු නැහැ.
• සම පිරිසිඳු කරන Lemon
උදේට ලෙමන් යුෂ බිංදු කිහිපක් එක් කෙරුව වතුර වීදුරුවක් බොන්න. ලෙමන් වල තියෙන විටමින් C නිරෝගී සමක් ලබා දෙනවා. මුහුණේ ලප සහිත තැන්වල ලෙමන් යුෂ ආලේප කරන්න. ඉක්මනින්ම ඔබට ලප කැලැල් නැති clear පෙනුමක් ලැබේවි. මතක තියාගන්න ඕනෙ දේ තමයි ලෙමන් යුෂ ආලේප කරලා පැය කිහිපයක් යනකං අව්වෙ යන්න හොඳ නැහැ කියන දේ.
• හැමදාම steam කරන්න.
steam කිරීම අතීතයේ සිටම පැවත එන රූපලාවන්ය රහසක්. මුහුණේ සිදුරු විවර කරලා, රුධිර සංසරණය වේගවත් කරලා, මෘදු දීප්තිමත් පෙනුමක් ලබා දෙන්න මේකට පුළුවන්. දවසට වරක් විනාඩි 5 – 10 ක් අතර ස්ටීම් කිරීම සමට ඉතාම හොඳයි.
• සුන්දර දෙතොලකට පොල්තෙල්
පොල්තෙල් කියන්නෙ රූපලාවණ්ය සඳහා නැතුවම බැරි දෙයක්. ලිප් බාම් එකක් විදිහට අපූරුයි. පොල් තෙල් වියළි තොල් සුවපත් කරනවා. මුඛයේ වියළි බව නැති කරගන්න සේදුම් කාරකයක් විදිහටත් අපූරු දෙයක්.
• අලිගැටපේර face mask
සමේ තෙතමනය සුරකින, සුසිනිඳු සමක් ලබාදෙන හොඳම දෙයක් තමයි අලිගැටපේර face mask එක. අලිගැටපේර face mask එකක් දාලා විනාඩි 15 – 40 ක් තිබෙන්නට හැර සෝදා හරින්න.
