Cctv – කොළඹ නගරය ආශ්රිතව පොලීසිය මඟින් ස්ථාපිත කර ඇති CCTV කැමරා මඟින් ලබා ගන්නා දර්ශනවලට අනුව, රථ වාහන වැරදි සිදුකළ රියදුරන් 4,000කට වැඩි පිරිසකට එරෙහිව නීතිමය ක්රියාමාර්ග ගෙන ඇති බව පොලීසිය පවසනවා.
ඒ අනුව මේ වසරේ අප්රේල් මස 20 වැනිදා දක්වා කාලය තුළ මාර්ග නීති උල්ලංඝනය කළ රියදුරන් 4,048 දෙනෙකුට එරෙහිව දඩ හෝ අධිකරණ ක්රියාමාර්ග ගෙන ඇති බවයි පොලීසිය සඳහන් කළේ. මෙම වැඩපිළිවෙළ අඛණ්ඩව ඉදිරියට ක්රියාත්මක කිරීමට සැලසුම් කර ඇති බවද පොලිස් මාධ්ය ප්රකාශක, ජ්යෙෂ්ඨ පොලිස් අධිකාරී බුද්ධික මනතුංග වැඩිදුරටත් ප්රකාශ කර සිටියා.
