Galadari Hotel බහුජාතික සත්කාරක කළමණාකරන සමාගමක් වන Radisson Hotels Asia Pacific Investments පෞද්ගලික සමාගම සමඟ ගිවිසුමකට එළඹ ඇති බව වාර්තා වනවා. සමාගමේ කොටස්කරුවන් සමඟ සංවිධානය කර තිබු විශේෂ හමුවකදී මේ බව නිවේදනය කර ඇති අතර, එම ගිවිසුමට අනුව මින් ඉදිරියට කොළඹ ගලදාරි හෝටලය “Radisson Blu Hotel Galadari Colombo” ලෙස නැවත නම් කරන බව වැඩිදුරටත් සඳහන් කොට තිබෙනවා.
මේ අනුව ගලදාරි හෝටලය ප්‍රතිසංස්කරණය කිරීම Radisson කළමණාකාරිත්වය යටතට ගෙන ඇති අතර, හෝටල් සංවර්ධන සේවා ගිවිසුමකට (HDSA) සහ හෝටල් කළමණාකරණ ගිවිසුමකට (HMA) අනුව එය සිදුකිරීමට සමාගම අදහස් කරන බව පැවසේ. නුදුරේදීම ගලදාරි හෝටලයේ කළමණාකාරිත්වය සමාගමේ අභිමතය පරිදි සහ හඳුනාගත් කොන්දේසි වලට යටත්ව සිදුකිරීමට නියමිත බවද නව සමාගම පවසනවා.
යෝජනාව සම්මත කිරීමෙන් පසු 2023 මැයි මස 1 වන දින සිට මෙය බලාත්මක වන බවත්, කාමර 450 කින් යුත් මෙම හෝටලය වසර හතරක කාලයක් ඇතුලත නවීකරණය කිරීමට කටයුතු කරගෙන යන බවද වාර්තා වනවා.
