රන් භාණ්ඩ හා වාහන ණය සඳහා සීමා
රත්තරන් බඩු උකස් කර ණය ලබා ගැනීමේදී සහ වාහනයක් මිලට ගැනීමට ණය පහසුකමක් ලබා ගැනීමේදී ඒ සඳහා ලැබෙන උපරිම ණය සීමාව අඩු කිරීමට තීරණය කොට ඇතැයි ශ්රී ලංකා මහ බැංකුව නිකුත් කළ නිවේදනයක දැක්වේ.
ඒ අනුව රන් භාණ්ඩයක් උකස් කර ණය ලබා ගැනීමේදී උපරිම ණය සීමාව භාණ්ඩයේ වටිනාකමින් සියයට 70කට සීමාකොට ඇතිබව නිවේදනයේ සඳහන් වේ. වාණිජ වාහනයක් මිලට ගැනීමට ණය ලබා ගැනීමේදී උපරිම ණය සීමාව වාහනයේ වටිනාකමින් සියයට 60 දක්වා සීමා කර ඇත. තවද, මෝටර් රථ, එස්.යූ.වී, වෑන් සහ ත්රී රෝද රථ ඇතුළු පුද්ගලික වාහන මිලදී ගැනීමේදී ලබා දෙන ණය සීමාව සියයට 40කි.
ගෝලීය අවිනිශ්චිතතා හමුවේ මෙරටේ මූල්ය පද්ධතිය හා බැංකු , මූල්ය ආයතන සහ ණය දෙන සමාගම් ආරක්ෂා කරනු වස් මහ බැංකුව මෙම තීරණය ගෙන ඇත. ඒ අනුව නව තීරණය අනුව කටයුතු මෙහෙය වීම අද(25) සිට ක්රියාත්මක කෙරේ.
✍️ ධාරා අබේනායක විසිනි.
