නිරූපණ ශිල්පිණි පියුමි හංසමාලි සංවිධානාත්මක අපරාධකරුවෙකු වන දැනට රැඳවුම් භාරයේ සිටින කෙහෙල්බද්දර පද්මේ නැමැත්තා සමග කිසිදු ආකාරයේ මුදල් ගනුදෙනුවක් තමා විසින් සිදු කර නොමැති බව පවසනවා.
අපරාධ පරික්ෂණ දෙපාර්තමේන්තුවේ නිලධාරින් විසින් ඊයේ (21) දිනයේ දි මොහු සමඟ මුදල් ගනුදෙනු කලා දැයි විමසා සිටි බවත් තමාට එවැනි ආකාරයේ නීති විරෝධි මුදල් අවශ්ය නොවන බවත් ෆේස්බුක් සටහනක් පලකරමින් පියුමි හංසමාලි අවධාරණය කර සිටිනවා.
එහිදි පියුමි හංසමාලි පවසන්නේ 2002 වසරේ ඩුබායි හිදි පැවති අවුරුදු උත්සවයකදි කෙහෙල්බද්දර පද්මේ, ඔහුගේ බිරිඳ හා දරුවන් දෙදෙනා හමු වු බවයි.
තවත් නළු නිළියන් සහභාගී වී සිටි මෙම අවුරුදු උත්සවයේදී කෙහෙල්බද්දර පද්මේ, ඔහුගේ බිරිඳ හා දරුවන් දෙදෙනා තමන් සමඟ ඡායාරූප ගත් බවත් අදාළ සටහනෙන් ඇය පවසා සිටිනවා.
එම අවස්ථාවේදි පද්මේ විසින් තමාට සුදු විමට අවැසි බව පැවසු විට පියුමි හංසමාලි පවසා ඇත්තේ තමන් අලෙවි කරන ක්රීම් වර්ගය ආලේපනය භාවිත කරන ලෙසයි.
මීට එහා ගිය කිසිඳු සබඳතාවයක් ඔහු සමඟ නොමැති බවත් තමන් පාතාලයට ඉතා බියක් දක්වන බවත් මෙම සටහන මගින් ඇය වැඩිදුරටත් පවසා සිටිනවා.
