මාධ්‍යවේදියෙකු ලෙස කටයුතු කල තිළිණ රාජපක්ෂ යන අයට බැනවැදි පහරදි අමානුශිය සැලකිම්වලට භාජනය කිරිම තුලින් අලව්ව පොලිසියේ නිළධාරින් තුන්දෙනෙකු ඔහුගේ මුලික මිනිස් අයිතිවාසිකම් උල්ලංඝණය කර තිබෙන බව ශ්‍රේෂ්ඨාධිකරණය තින්දු කළා.
අදාල මාධ්‍යවේදියා විසින් ගොනුකල මුලික අයිතිවාසිකම් පෙත්සමක් ඊයේ (22) විභාගයට ගැනිමෙන් අනතුරුව අගවිනිසුරු ප්‍රීතිපද්මන් සූරසේන,සම්පත් අභයකෝන් යන විනිසුරුවරුන්ගේ එකඟත්වය ඇතිව ශ්‍රේෂ්ඨාධිකරණ විනිසුරු ප්‍රියන්ත ප්‍රනාන්දු මහතා විසින් මෙම තීන්දුව ලබා දුන්නා.
ඒ අනුව මුලික අයිතිවාසිකම් උල්ලංඝණය කිරිම වෙනුවෙන් වරදකරුවන් කෙරුණු එවකට අලව්ව පොලිසියේ සැරයන්වරුන් ලෙස කටයුතු කල රවින්ද්‍ර කුමාර, බී.එම්.එස්.එස් විජය බණ්ඩාර හා පොලිස් කොස්තාපල් ජයසුන්දර යන නිලධාරින් සිය පුද්ගලික මුදල් වලින් රුපියල් 25,000 බැගින් රුපියල් 75,000ක මුදලක් පෙත්සම්කරුට ගෙවිය යුතු බවට නියෝග කර තිබෙනවා.
ඊට අමතරව වඟඋත්තරකාර පොලිස් නිලධාරින්ගේ ක්‍රියාකලාපය සම්බන්ධයෙන් අපරාධ විමර්ශනයක් පවත්වා චෝදනා ගොනුකිරිමට ඇති හැකියාව පිළිබඳව සොයා බලන ලෙසත් ශ්‍රේෂ්ඨාධිකරණය විසින් නීතිපතිවරයාට නියෝග කරනු ලැබුවා.
