කටට සැරට චිලි පේස්ට් – Chilli Paste
කටට සැරට කන්න කැමති අය ආසම දෙයක් තමයි චිලි පේස්ට්. රයිස්, නූඩ්ලස්, කොත්තු මේ හැම කෑමටම ගැළපෙන චිලි පේස්ට් රසකාරක නැතුව, පිරිසිඳුවට රසට ගෙදරදීම හදාගන්නෙ කොහොමද බලමු. හරිම ලෙහෙසියෙන් හදන්න පුළුවන් මේ චිලි පේස්ට් එක මාස දෙකක් තුනක් වුණත් තියාගන්න පුළුවන්.
• අවශ්ය දේවල්
කෑලි මිරිස් 130g
වියළි කූනිස්සෝ 60g 
පොල් තෙල් 150ml
සීනි මේස හැඳි 03 ක්
රස අනුව ලුණු
සෝයා සෝස් මේස හැඳි 02 ක්
තක්කාලි සෝස් මේස හැඳි 01ක්
ලොකු ළූණු ගෙඩියක්
කරපිංචා
සුදු ළුණු බික් 10 – 12 ක්
ඉඟුරු කෑල්ලක්
සාදන ආකාරය
භාජනයකට පොල්තෙල් දමා තෙල් ටික රත් වෙනකොට එයට සිහින්ව කපාගත් ළූණු ටික දමා බැදගන්න. ඊළඟට ඉඟුරු, සුදු ළූණු, කරපිංචා ටිකත් තරමක් බැද ගන්න. ඊට පස්සෙ කූනිස්සෝ ටික රන්වන් පාට වෙනතුරු බැද ගන්න. ඊට පස්සෙ මේ හැමදෙයක්ම (බැදගත්) බ්ලෙන්ඩර් එකට දාලා කුඩු කර ගන්න. සීනි මේස හැඳි තුනට ලුණු, සෝයා සෝස් එකතු කර කවලම් කරගෙන තියා ගන්න.
