Zimbabwe vs Sri Lanka – සංචාරක සිම්බාබ්වේ කණ්ඩායම සහ ශ්රී ලංකාව අතර පැවති තුන්වන සහ අවසන් එක්දින තරඟය කඩුලු 8කින් ජය ගැනීමට ශ්රී ලංකා කණ්ඩායම සමත් වුණා.
ඒ අනුව තරගාවලිය 2-0ක් ලෙස ජය ගැනීමට ශ්රී ලංකා කණ්ඩායමට හැකි විය.
තරගයේ කාසියේ වාසිය දිනූ සිම්බාබ්වේ කණ්ඩායම පළමුව පන්දුවට පහර දුන් අතර ඔවුන්ට සියලු දෙනා දැවී රැස් කර ගත හැකි වූයේ ලකුණු 96ක් පමණි.
පිළිතුරු ඉනිම ක්රීඩා කිරීම සඳහා පිටියට පිවිසි ශ්රී ලංකා කණ්ඩායම පන්දුවාර 16යි පන්දු 4කදී කඩුලු 2ක් පමණක් දැවී එම ඉලක්කය ජය ගැනීමට සමත් විය.
කුසල් මෙන්ඩිස් තම කණ්ඩායම වෙනුවෙන් අගනා ඉනිමක් ක්රීඩා කළ අතර ඔහු නොදැවී ලකුණු 66ක් රැස් කළේය.
මෙම තරගයේදී වනිඳු හසරංග ලකුණු 19කට කඩුලු 07ක් දවාගත් අතර, මෙය එක්දින තරගයකදී ශ්රී ලංකා පන්දු යවන්නෙකුගේ දෙවැනි හොඳම පන්දු යැවීම ලෙසද වාර්තා විය.
තරඟාවලියේ වීරයා ලෙස නවක ක්රීඩක ජනිත් ලියනගේ නම් කෙරුණු අතර තරඟයේ වීරයා ලෙස වනිදු හසරංග නම් කෙරුණා.
