Ukraine Russia War – යුක්‍රේනය රුසියානු දේශසීමාවේ පිහිටි Klimovo නම් ගම්මානයට පොකුරු බෝම්බ ප්‍රහාරයක් එල්ල කළ බව රුසියාවේ Bryansk ප්‍රදේශයේ ආණ්ඩුකාර Alexander Bogomaz ප්‍රකාශ කර තිබේ. එම ප්‍රහාරයෙන් නිවාස කිහිපයකට හානි සිදුවී ඇති නමුත් ජීවිත හානි කිසිවක් සිදුවී නොමැති බව ඔහු සඳහන් කරයි. කෙසේ වෙතත් එවැනි ප්‍රහාරයක් සිදුවූ බව සනාථ කර ගැනීමට අවශ්‍ය වීඩියෝ හෝ ජායාරුප සාක්ෂි ආණ්ඩුකාරවරයා විසින් තමන් වෙත ලබාදී නැතැයි Sky News සඳහන් කරයි.
ඇමරිකා එක්සත් ජනපදය යුක්‍රේනයට පොකුරු බෝම්බ ලබා දී ඇත්තේ, සතුරු සොල්දාදුවන්ට පහර දීමට පමණක් භාවිතා කිරීමේ පොරොන්දුව මත බව කියවේ. පොකුරු බෝම්බ භාවිතය රටවල් 100 කට වඩා තහනම් කර ඇත්තේ, ඒවා සාමාන්‍යයෙන් විශාල ප්‍රදේශයක් පුරා පැතිරී යාමෙන් නිකරුණේ විශාල ජිවිත හානි ඇතිවිය හැකි බැවින් සහ පුපුරා නොගිය කුඩා බෝම්බ දශක ගණනාවකට පසුව වුවද නැවත පුපුරා යෑමේ අවධානමක් ඇති හෙයිනි. එක්සත් ජාතීන්ගේ සංවිධානයට අනුව රුසියාව බොහෝ වාරයක් පොකුරු ආයුධ භාවිතා කර ඇති අතර, Human Rights Watch සංවිධානයද Moscow හි එවැනි යුධෝපකරණ ස්ථානගත කළ සිදුවීම් පිලිබඳව වාර්තා පළ කර තිබිණි.
-Sky News ඇසුරෙනි-
Photo Credits: www.yahoo.com
