Turkey – මධ්‍යම තුර්කියේ Yozgat ප්‍රදේශයේදී මගී ප්‍රවාහන බස් රථයක් මාර්ගයෙන් ඉවතට පැන සිදුවු අනතුරකින් පුද්ගලයන් 12 දෙනෙකු මිය ගොස් තවත් 19 දෙනෙකු තුවාල ලැබු බව වාර්තා වෙයි. බස් රථයේ රියදුරුට වාහනය පාලනය කර ගත නොහැකි වීමෙන් මෙම අනතුර සිදුවු බව ආණ්ඩුකාර Mehmet Ali Ozkan මහතා පැවසීය. බස්රථය Istanbul දක්වා ගමන් කර තිබූ අතර අනතුර සිදුව ඇත්තේ ගමන් ආරම්භ කළ Sivas සිට 240km පමණ නැගෙනහිරින් පිහිටි Yozgat ආසන්නයේදිය. අනතුර සිදුවු ස්ථානයේදීම පුද්ගලයන් 11 දෙනෙකු මිය ගිය අතර එක් අයෙක් රෝහල්ගත කළ පසුව මිය ගිය බවද Ozkan මහතා වැඩි දුරටත් සදහන් කළේය. තුවාල ලැබූවන් අවට රෝහල් වල ප්‍රතිකාර ලබන අතර ඔවුන්ගෙන් එක් අයෙකුගේ තත්ත්වය බරපතල බවද වාර්තා වෙයි. අනතුරට හේතුව විමර්ශනය කරමින් පවතින බවත්, එය රියදුරුගේ “නොසැළකිලිමත්කමේ” ප්‍රතිපලයක් ලෙස පෙනෙන බවත් Ozkan මහතා වැඩි දුරටත් පවසා සිටියේය.
-ABC News ඇසුරෙනි-
photo Credit: ABC News
