SL Vlog – නතාෂා එදිරිසූරියට සහ බෲනෝ දිවාකරට එරෙහිව ICCPR පනත යටතේ පවරා තිබූ නඩු මීට සුළු මොහොතකට පෙර කොළඹ කොටුව මහේස්ත්රාත් අධිකරණය විසින් ඉවත් කරනු ලැබුවා. නතාෂාට එරෙහි චෝදනා ඔප්පු කිරීමට සාක්ෂි නොමැති බැවින් ඇයට එරෙහි සියලු චෝදනා ඉල්ලා අස්කර ගැනීමට නීතිපතිවරයා තීරණය කළ බැවින් ඇය නඩුවෙන් නිදහස් කරන ලෙස කොටුව මහේස්ත්රාත්වරයා නියෝග කළේය.
නඩුව නැවත සලකා බලන ලෙස රහස් පොලිසිය මහේස්ත්රාත්වරයාගෙන් ඉල්ලා සිටියද, මහේස්ත්රාත්වරයා එම ඉල්ලීම ප්රතික්ෂේප කරමින් නතාෂා එම නඩුවෙන් නිදහස් කිරීමට නියෝග කළේය. පසුගිය වසරේ අප්රේල් 01 වැනිදා පැවති සජීව ප්රහසන ප්රසංගයක් අතරතුර සිදුකළ එක් ප්රකාශයක් මඟින් සිදුහත් කුමරුට ‘අපහාස’ කළ බවට එල්ල වූ චෝදනා මත මෙම පනත යටතේ ඇය අත්අඩංගුවට ගනු ලැබුවා. ඇය මාස තුනක් රක්ෂිත බන්ධනාගාරගතව සිටියාය. ඉන්පසුව, මෙම ප්රසංගයට පහසුකම් සැලසීම සම්බන්ධයෙන් අත්අඩංගුවට ගත් SL Vlog හිමිකරු බෲනෝ දිවාකරද නතාෂා නිදහස් කිරීමෙන් පසු ඔහුට එරෙහි නඩුවෙන් නිදහස් විය.
–NE News ඇසුරෙනි-
