SJB – නිදහස ජනතා සභාව නියෝජනය කරන ජී.එල්. පීරිස්, ඩිලාන් පෙරේරා ඇතුළු පාර්ලිමේන්තු මන්ත්‍රීවරුන් කණ්ඩායමක් සමගි ජන බලවේග පක්ෂ නායක සජිත් ප්‍රේමදාස හමුවී පක්ෂය සමග නිල වශයෙන් සන්ධානගත වීමට අදාළ අස්සන් තැබීම හෙට (අප්‍රේල් 5) සිදුවන බව සමගි ජන බලවේග පක්ෂ මහලේකම් පාර්ලිමේන්තු මන්ත්‍රී රංජිත් මද්දුම බණ්ඩාර පවසයි. මෙම අත්සන් තැබීම සිද්ධවන්නේ හෙට කොළඹ ජේ. ආර්. ජයවර්ධන කේන්ද්‍රයේදී පැවැත්වෙන සමගි ජන බලවේග සන්ධානය පිහිටුවීමේ අවස්ථාවේදිය.
මෙම සන්ධානගත වීම නිල වශයෙන් ආරම්භ කිරීමෙන් අනතුරුව පාර්ලිමේන්තුව නියෝජනය කරන තවත් පිරිසක් සති දෙකෙන් දෙකට පක්ෂයට එකතු කරගන්නා බවත් නව සන්ධානගත වීම් පිළිබඳ බිම් මට්ටමේ සිට ඉහළ තනතුරු දක්වා පක්ෂ සාමාජිකයන් ඉතාමත් උනන්දුවෙන් පසුවන බවත් ප්‍රකාශ කළ මහලේකම්වරයා, දැනට තම පක්ෂය සමඟ එකතු වී ඇති පාර්ලිමේන්තු මන්ත්‍රීවරුන් පිරිස, ඒ ආකාරයෙන්ම සිටින නමුත් සන්ධානගත වීමේදී මූලික වශයෙන් නිදහස ජනතා සභාව සහ සමගි ජන බලවේගය අතර එකඟතා සහිත අවබෝධවලට මෙහිදී අස්සන් කරන බව සඳහන් කළේය.
