Russia Ukraine War – රුසියාව යුක්රේනයට එරෙහි යුද්ධය දියත් කිරීමෙන් පසු තම භූමියට එල්ල වූ විශාලතම ඩ්රෝන් ප්රහාරය දැක ඇති අතර, මෙම ප්රහාරයෙන් කියෙව්හි එකවර පුද්ගලයින් දෙදෙනෙකු ජිවිතක්ෂයට පත්ව තිබෙනවා. මොස්කව් ඇතුළු රුසියානු ප්රදේශ හයකට ඊයේ [30 බදාදා] අළුයම ප්රහාරයක් එල්ල වූ අතර එස්තෝනියානු දේශසීමාව ආසන්නයේ පිහිටි Pskov නගරයේ දී ඩ්රෝන යානා ගුවන් තොටුපළක් ඉලක්ක කර ගනිමින් සිදුකළ ප්රහාරයකින් ප්රවාහන ගුවන් යානා කිහිපයකට හානි සිදු වූ බව වාර්තා වනවා.
ප්රහාර වලින් පසු මොස්කව් ගුවන් තොටුපල හතරම ගුවන් ගමන් තාවකාලිකව අත්හිටුවා ඇති අතර අවම වශයෙන් මගී ගුවන් ගමන් 11ක් විකල්ප ගුවන් තොටුපළ වෙත හරවා යවා ඇති බව ෆෙඩරල් ගුවන් ප්රවාහන ඒජන්සිය උපුටා දක්වමින් රාජ්ය පුවත් ඒජන්සිය TASS වාර්තා කර තිබුණා. නවතම පුවත් වාර්තා අනුව මේ වනවිට ගුවන් තොටුපල සාමාන්ය මෙහෙයුම් නැවත ආරම්භ කර ඇති බවයි වාර්තා වන්නේ.
-CNN News ඇසුරෙනි-
Photo Credit: www.wfft.com
