Lahiru Harshana – ජාතික ජනබලවේගයේ මැයි දින රැලිය අතරතුර ලංකාදීප පුවත්පතේ ඡායාරූප මාධ්‍යවේදියකු ලෙස කටයුතු කරන ළහිරු හර්ෂණ මහතා ලබා ගත් ජනාධිපතිවරයාගේ ඡායාරූපයක් පල නොකරණ ලෙස ජනාධිපති මාධ්‍ය අංශයෙන් බලපෑම් එල්ල කර ඇති බවට තොරතුරු වාර්තා වෙනවා.
ළහිරු හර්ෂණ එම ඡායාරූපය සිය ෆේස් බුක් ගිණුමට එක් කර තිබු අතර, පසුව ඔහු එහි සටහනක් තබමින් එම ඡායාරූපය ඉවත් කර ගෙන තිබුනා,
“ජායාරූපයක අන්‍තර්ගතය කියවීම තමාගේ මතය අනූව වෙනස් වේ, ෆොටෝ එක අයින් කිරීමට සිදුවිය”. ලහිරු හර්ෂණ
ඡායාරූප මාධ්‍යවේදී ළහිරු හර්ෂණ අදාළ ඡායාරූපය පළ කිරීමෙන් පසුව ජනාධිපති මාධ්‍ය අධ්‍යක්ෂ ජනරාල් ප්‍රසන්න පෙරේරා ලංකාදීප කාර්යාලයටද ඇමතුමක් දී අදාළ ඡායාරූපය පළ නොකරන ලෙස ඉල්ලීම් කර ඇති බවයි වාර්තා වන්නේ.
