සංචාරක නවසීලන්ත කාන්තා ක්රිකට් කණ්ඩායම සහ ශ්රී ලංකා කාන්තා ක්රිකට් කණ්ඩායම අතර අද (30) ගාල්ලේදී පවතී දෙවන එක්දින තරඟය ලකුණු 111 කින් ජයගැනීමට නවසීලන්ත කාන්තා ක්රිකට් කණ්ඩායම සමත්වුණා.
කාසියේ වාසිය දිනා පළමුව පන්දුවට පහරදුන් නවසීලන්ත ක්රීඩිකාවන් ඕවර 50ක් අවසානයේ කඩුලු 7ක් දැවී ලකුණු 329ක් රැස් කළා. එම ලකුණු 329 ට නායිකා සොෆි ඩෙවින් ගේ ලකුණු 137ක් සහ ඇමිලියා කෙර් ගේ ලකුණු 108ක් ඇතුලත්. සොෆි ඩෙවින් එම ලකුණු 137 ලබාගැනීමට පන්දු 121 කට මුහුණ දුන් අතර එයට 6 පහර 2ක් සහ හතරේ පහර 17ක් ඇතුලත්. මේ ඇයගේ 6 වන එක්දින ශතකයයි. ඇමිලියා කෙර් ලබාගත් ලකුණු 108 සඳහා ඇය පන්දු 106 කට මුහුණ දුන් අතර එයට එක් හයේ පහරක් සහ හතරේ පහර 7ක් ඇතුලත්. මෙය ඇමිලියා ගේ දෙවන එක්දින ශතකයයි.
ශ්රී ලංකා ක්රීඩිකාවන් වෙනුවෙන් දක්ෂ පන්දු යැවීමක නිරත වූ ඕෂදී රණසිංහ ලකුණු 68 කට කඩුලු 3ක් දවා ගත්තා.
ශ්රී ලංකා කණ්ඩායම වෙනුවෙන් අගනා ඉනිමක් ක්රීඩා කල කවීෂා දිල්හාරි පන්දු 98 කට ලකුණු 84ක් රැස්කරා. අනුශ්කා සංජීවනී පන්දු වාර 14 කින් ලකුණු 17ක් සහ කාව්යා කාවින්දි පන්දු වාර 31 කින් ලකුණු 15 ලබාගැනීමට සමත්වුණා. මෙහිදී පළමු එක්දින තරඟයේ අගනා ඉනිමක් ක්රීඩා කල නායිකා චමරි අතපත්තු මුහුණදුන් පළමු පන්දුවෙන්ම දැවී යාම විශේෂත්වයක්.
නවසීලන්ත කණ්ඩායම වෙනුවෙන් පන්දු යැවූ ලීආ තහූ ලකුණු 28කට කඩුලු 4ක් දවාගත් අතර ඊඩ්න් කාර්සන් ලකුණු 41 කට කඩුලු 2 ක් ලබාගැනීමට සමත්වුණා.
