Homagama Fire: හෝමාගම කර්මාන්තපුරයේ තීන්ත නිෂ්පාදනාගාරයක් සහ රෙදි පිළි නිෂ්පාදනාගාරයක් ඊයේ (18) ගින්නට හසුවීමෙන් විනාශවී ඇති බවයි වාර්තා වන්නේ. මේ වන විට ගින්න මැඩපැවැත්වීම සඳහා කෝට්ටේ ගිනි නිවීමේ ඒකකය විසින් ගිනි නිවන රථ 7 ක් යොදවා ඇති බවට වාර්තා වනවා.
ශ්‍රී ලංකා යුද හමුදාවේ සහයෝගය ඇතුව කෝට්ටේ මහ නගර සභාවේ ගිනි නිවිම් ඒකකය සහ හොරණ නගර සභාවේ ගිනි නිවීම් ඒකකය ඒ සඳහා කටයුතු කරනවා.
හෝමාගම අවට පදිංචිකරුවන්ට මුව ආවරණ පළඳින ලෙසට කොළඹ ආපදා කළමනාකරණ ඒකකයේ සහකාර අධ්‍යක්ෂ විසින් මේ වන විට විශේෂ දැනුම්දීමක් සිදුකර තිබෙනවා.
මෙම ගිනි ගැනීම හේතුවෙන් ජිවිත හානි කිසිවක් වාර්තා නොවන අතර හෝමාගම පොලීසිය වැඩිදුර විමර්ශන සිදුකරනවා.
