Gulab Jamun ගුලාබ් ජමුන්
හරිම කිරි රස ෂුගර් සිරප් එකක දමා පිලිගන්වන මෙම පැණි බෝල රසවත් ඉන්දියානු අතුරුපසක්. ලංකාවේ ඉන්දියානු අවන්හල් වලත්, දමිල නිවෙස් වලත් ගුලාබ් ජමුන් නිතරම හදනවා. ඇත්තටම පොඩි කාලෙකින් ඉතා රසවත් මේ අතුරුපස හදන්න පුලුවන්. මම ඩුබායි ඉන්න කාලේ අපි නිතරම මේ ගුලාබ් ජමූන් කෑවා. ඒවා නම් මාරම රසයි. නියම ගී ඔයිල් දාල රසට හදනවා.
ඉතින් මාත් මේ විදියට හැදුවා. ට්ර්යි කරලා බලන්න.
අවශ්ය ද්රව්ය :
කිරිපිටි 100 g
පාන් පිටි මේස හැදි 3
රුලං පිටි මේස හැදි 1 (රුලං පිටි නැත්නම් පාන් පිටි එකතු කරන්න )
බේකින් සෝඩා හෝ බේකින් පවුඩර් තේ හැදි බාගයක්
මෙල්ටඩ් බටර් හෝ ගිතෙල් මේස හැදි 1
ලුණු තේ හැදි කාලක්
ෆ්රෙෂ් මිල්ක් හෝ කිරි පිටි
බැදීමට තෙල්
කිරිපිටි, රුලං,පාන්පිටි, ලුනු, බේකින් සෝඩා මේ සියල්ල එකට දමා කලවම් කරන්න .
ඉන්පසු මෙල්ටඩ් බටර් හෝ ගී එකතුකර ඇගිලි තුඩු වලින් හොදින් අනා ගන්න. එයට කිරි ටික ටික එක කරමින් ඩෝ එක හදාගන්න. ඉන්පසු එය විනාඩි 10 ක් 15 ක් වහල තියන්න.
ඒ අතර ෂුගර් සිරප් එක හදා ගන්න.
සීනී 150 g
වතුර 150ml
සීනි වලට වතුර, කරදමුංගු ඇට 3ක්, කුරුදුපොත්තක් දමා මද ගින්දරේ උණු කර ගන්න ටිකක් උකු වෙනකන්. ඉන්පසු ලිපෙන් ඉවත්කර පසෙකින් තබා ගන්න .
දැන් අර ඩෝ එකෙන් පුංචි බෝල හදාගන්න ලස්සනට දෙහි ගෙඩි ප්රමාණයට.
දැන් මේ බෝල ටික දෙපැත්ත හරවමින් අඩු ගින්දරේ රන්වන් පාට වෙනකන් බැදගෙන රස්නේ පිටම ෂුගර් සිරප් එකට දාල පැය පහක් හයක් තියන්න. ගුලාබ් ජමූන් එකට සීනී සිරප් එක හොදට උරාගන්න ඕන. හදලා රස බලන්නකෝ කොහොමද කියලා.කන්න කන්න ආස හිතෙනවා.
