Former DIG – බම්බලපිටිය ප්‍රදේශයේ කෝටිපති ව්‍යාපාරිකයෙකු වූ මොහොමඩ් ෂියාම් පැහැර ගෙන ගොස් මරා දැමීමේ චෝදනාව සම්බන්ධයෙන් මරණීය දණ්ඩනය නියමව සිටි, හිටපු නියෝජ්‍ය පොලිස්පති වාස් ගුණවර්ධන සහ ඔහුගේ පුත් රවිඳු ගුණවර්ධන ඇතුළු විත්තිකරුවන් හය දෙනෙකුට කොළඹ ත්‍රිපුද්ගල මහාධිකරණ විනිසුරු මඩුල්ලක් පැනවූ මරණීය දණ්ඩනය අද (අගෝස්තු 8) ශ්‍රේෂ්ඨාධිකරණය විසින් තහවුරු කර තිබේ. ශ්‍රේෂ්ඨාධිකරණය මෙම තීන්දුව ලබා දී ඇත්තේ, දී ඇති දඬුවම්වලින් තමන්ව නිදොස් කොට නිදහස් කරන ලෙස ඉල්ලා වාස් ගුණවර්ධන ඇතුළු විත්තිකරුවන් විසින් ඉදිරිපත් කළ අභියාචනා පෙත්සම් නිෂ්ප්‍රභ කරමිනුයි.
2015 වසරේ නොවැම්බර් මස 27 වනදා කොළඹ ත්‍රිපුද්ගල මහාධිකරණ විනිසුරු මඩුල්ලක් විසින් මෙම මරණීය දණ්ඩනය නියම කර තිබු අතර විත්තිකරුවන් ඉදිරිපත් කළ අභියාචනා පෙත්සම් 2017 වසරේ ශ්‍රේෂ්ඨාධිකරණය විසින් විභාග කිරීම ආරම්භ කර, වසර 7 කට ආසන්න කාලයක් පැවති නඩු විභාගයකින් පසුව අද දින මෙම තීන්දුව ප්‍රකාශයට පත් කරන ලදී.
